Minzdaroŭja za sutki zrabiła rekordnyja 60 tysiač testaŭ na karanavirus, a novych vypadkaŭ usiaho 1998
Apublikavana aficyjnaja statystyka ad Ministerstva achovy zdaroŭja pa karanavirusie za minułyja sutki.
Za sutki ŭ krainie zarehistravana 1998 pacyjentaŭ z COVID-19, vypisana 2569 pacyjentaŭ.
Usiaho z pačatku pandemii ŭ Biełarusi byli zarehistravanyja 592 224 čałavieki sa stanoŭčym testam na COVID-19. Ačuniali 564 660 pacyjentaŭ, u jakich raniej byŭ paćvierdžany dyjahnaz COVID-19.
Za ŭvieś pieryjad raspaŭsiudžvańnia infiekcyi na terytoryi krainy, pa aficyjnych danych, pamierli 4563 pacyjenty z vyjaŭlenaj karanavirusnaj infiekcyjaj (17 za sutki).
Źviartajem uvahu, što za minułyja sutki było zroblena rekordnyja 59 920 testaŭ, a kolkaść chvorych pry hetym apuściłasia nižej za 2000.
«Naša Niva» zrabiła hrafik kolkaści testaŭ i vypadkaŭ karanavirusa, jakija daje aficyjnaja statystyka, za apošnija siem dzion. Jak bačna, pamiž kolkaściu testaŭ i kolkaściu chvorych niama nijakaj karelacyi: rekord pa chvorych (2097) byŭ zafiksavany pry 38789 testach, a rekordnaja kolkaść testaŭ (59920) dała 1998 vypadkaŭ zachvorvańniaŭ.
Kamientary