Parłamient Kurdystana vyrašyŭ dasłać ułasnuju delehacyju na biełaruska-polskuju miažu. Meta palitykaŭ — rasśledavać kryzis, źviazany z tym, što na miažy zachraśli tysiačy mihrantaŭ.
U aŭtorak śpikier kurdskaha parłamienta Revaz Fajik vystupiŭ z zahadam sfarmiravać adpaviednuju delehacyju ŭ chutkim časie i naviedać jak Biełaruś, tak i Polšču. Delehacyja budzie pavinnaja skłaści padrabiaznuju spravazdaču pa ciapierašniaj situacyi ź mihrantami i pa pryčynach, što stajać za masavaj mihracyjaj, piša Basnews.
Paśla hetaha, jak śviedčyć deputat parłamienta Čyja Chamid, kurdski ŭrad i parłamient znoŭ sustrenucca, kab praanalizavać vyniki rasśledavańnia i skłaści płan pa baraćbie z kryzisam.
Siarod vialikaha natoŭpu mužčyn, žančyn i dziaciej, što zaraz znachodziacca kala biełaruskaj miažy, — tysiačy mihrantaŭ z Kurdystana. Jany žadajuć prajści ŭ ES, bo marać atrymać tam lepšuju budučyniu. Polšča nie puščaje da siabie nielehalnych mihrantaŭ. ES abvinavačvaje Biełaruś u tym, što kraina vykarystoŭvaje mihrantaŭ jak instrumient hibrydnaj ataki ŭ adkaz na sankcyi, što Brusel nałažyŭ na Biełaruś paśla apošnich vybaraŭ.
Prezident Polščy nazvaŭ situacyju na miažy «hibrydnaj akcyjaj suprać Polščy i ES»
Pradstaŭnik ES: Mihrantaŭ zavablivajuć u Biełaruś praz dypłamatyčnyja ŭstanovy
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr8
Kamientary