Парламент Курдыстана вырашыў даслаць уласную дэлегацыю на беларуска-польскую мяжу. Мэта палітыкаў — расследаваць крызіс, звязаны з тым, што на мяжы захраслі тысячы мігрантаў.
У аўторак спікер курдскага парламента Рэваз Файік выступіў з загадам сфарміраваць адпаведную дэлегацыю ў хуткім часе і наведаць як Беларусь, так і Польшчу. Дэлегацыя будзе павінная скласці падрабязную справаздачу па цяперашняй сітуацыі з мігрантамі і па прычынах, што стаяць за масавай міграцыяй, піша Basnews.
Пасля гэтага, як сведчыць дэпутат парламента Чыя Хамід, курдскі ўрад і парламент зноў сустрэнуцца, каб прааналізаваць вынікі расследавання і скласці план па барацьбе з крызісам.
Сярод вялікага натоўпу мужчын, жанчын і дзяцей, што зараз знаходзяцца каля беларускай мяжы, — тысячы мігрантаў з Курдыстана. Яны жадаюць прайсці ў ЕС, бо мараць атрымаць там лепшую будучыню. Польшча не пушчае да сябе нелегальных мігрантаў. ЕС абвінавачвае Беларусь у тым, што краіна выкарыстоўвае мігрантаў як інструмент гібрыднай атакі ў адказ на санкцыі, што Брусэль налажыў на Беларусь пасля апошніх выбараў.
Прэзідэнт Польшчы назваў сітуацыю на мяжы «гібрыднай акцыяй супраць Польшчы і ЕС»
Прадстаўнік ЕС: Мігрантаў завабліваюць у Беларусь праз дыпламатычныя ўстановы
Цяпер чытаюць
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам7
Каментары