Prakuratura razhladaje dźvie viersii pryčyn zabojstva karovaj čałavieka. Šalenstva i paślarodavaja ahresija.
Na pašy niedaloka ad vioski Starynki Alochnovickaha sielsavieta (Maładziečanski rajon) 22 lipienia padčas paśby statka karoŭ, jaki naležyć Maładziečanskaj ptuškafabrycy, karova da śmierci rahami i nahami źbiła 57‑hadovaha pastucha.
Na miesca zdareńnia vyjazdžaŭ pamočnik prakurora Maładziečanskaha rajona Vadzim Biarozkin. U intervju «RH» Vadzim raskazaŭ: paśvili statak dva pastuchi.
Raptam na adnaho ź ich, 57‑hadovaha žychara Starynak, napała karova. Jana adrazu źbiła mužčynu z noh, paśla čaho ŭstać i vyratavacca jon užo nie zmoh.
Druhi pastuch chacieŭ adahnać žyviolinu, ale sam atrymaŭ udar u biadro. Paśla hetaha jon vybieh na darohu, spyniŭ traktar, i ŭžo pastuch z traktarystami sprabavali adahnać raźjušanuju karovu ad paciarpiełaha, ale znoŭ biezvynikova.
Padjechaŭ jašče adzin traktar, jaki zahnali na pašu, i tolki ź jaho dapamohaj zdoleli adpudzić žyviolinu ad mocna ŭžo źbitaha mužčyny. Potym vyklikali rabotnika ptuškafabryki z ružžom, jon pryjechaŭ i zastreliŭ žyviolinu.
Paciarpiełaha advieźli ŭ balnicu, dzie jon pamior. Pryčynu śmierci dla našaha vydańnia nazvaŭ dziaržaŭny miedycynski ekśpiert Alaksiej Hil, jaki anatamiravaŭ pamierłaha: traŭmatyčny šok, abumoŭleny šmatlikimi pierałomami rebraŭ z dvuch bakoŭ z paškodžańniem lohkich i ŭnutranym kryvaciokam.
Ekziekucyja karovy nad čałaviekam, pa słovach Vadzima Biarozkina, doŭžyłasia kala dziesiaci chvilin.
«My razhladajem dźvie viersii zdareńnia, — kaža pamočnik prakurora, — šalenstva žyvioliny i paślarodavaja ahresija. Niadaŭna karova acialiłasia. Cialo było ŭ hetym ža statku i, mahčyma, karova vyrašyła, što jamu štości pahražaje. Chacia, jak śćviardžaje druhi pastuch, jaho naparnik nijak nie pravakavaŭ žyviolinu na ahresiju. Mazhi zabitaj rahuli advieźli na ekśpiertyzu na šalenstva, ale ja ŭsio ž taki bolš schilajusia da druhoj viersii».
Vadzim Biarozkin skazaŭ taksama, što pastuch, jaki nie paciarpieŭ, vizualna byŭ ćviarozy. Jon śćviardžaje, što pierad zdareńniem jany z naparnikam śpirtnoje nie ŭžyvali.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary