Kačanava pryznała, što mihranty na biełaruskaj terytoryi znachodziacca ŭ biesčałaviečnych umovach
Staršynia Savieta Respubliki Natalla Kačanava pryznała, što mihranty na biełaruskaj terytoryi znachodziacca ŭ biesčałaviečnych umovach, piša BiełTA.
«My akažam žančynam i dzieciam miedycynskuju i inšuju nieabchodnuju dapamohu. Mahčyma, prosta dla taho, kab niejki čas jany mahli adpačyć u narmalnych čałaviečych umovach. Pakolki tyja ŭmovy, u jakich siońnia jany znachodziacca, — biesčałaviečnyja. Tamu my zrobim usio, kab akazać dapamohu hetym ludziam. I heta budzie znachodzicca na našym pastajannym kantroli da momantu vyrašeńnia hetaj situacyi», — skazała jana.
Śpikier nahadała, što sienatary naviedali miažu i akazali humanitarnuju dapamohu mihrantam.
«Ubačyli ŭsiu tuju žudasnuju situacyju, u jakoj ludzi akazalisia. Kali jany pačali raskazvać nam pra heta padčas kruhłaha stała ŭ Saviecie Respubliki, ich dušyli ślozy. I nami heta było ŭspryniata jak asabistaja trahiedyja. My, biełarusy, jak nichto viedajem, što takoje hoład, choład. Heta pieražyli našy starejšyja pakaleńni, kali Biełaruś znachodziłasia ŭ akupacyi», — adznačyła Kačanava.
Ciapier čytajuć
Pajšoŭ z žyćcia 32-hadovy Maksim Čarniaŭski — zasnavalnik supołki «Nadakučyŭ nam hety Łukašenka» pačatku 2010-ch22
Kamientary