Z kramaŭ źniknuć batončyki Mars i Sniskers? Tłumačym, što budzie z šakaładkami z-za sankcyj
Siarod impartnych tavaraŭ, jakija padpaduć pad biełaruskija sankcyi, — kandytarskija vyraby. A značyć, častku šakaładu i cukierak nielha budzie ŭvozić. Pahladzieli, što moža źniknuć z pryłaŭkaŭ.
Mnohija papularnyja šakaładnyja batončyki — Sniskers, Mars, Twix, Bounty — vypuskaje amierykanskaja kampanija Mars. Ale tyja, što pradajucca ŭ nas, zavoziacca z rasijskaha zavoda ŭ Maskoŭskaj vobłaści. Tamu sankcyi ich nie zakranuć.
Toje ž z cukierkami ŭ kakosavaj stružcy Raffaello. Brend naležyć italjanskaj kandytarskaj kampanii Ferrero, ale dla biełaruskaha pakupnika ich vyrablaje zavod va Uładzimirskaj vobłaści Rasii.
Šviejcarskaja kampanija Nestle adkazvaje za adnajmiennyja šakaładki i batončyki Lion. Ź pieršymi ničoha nie zdarycca: dla našaha rynku ich vypuskaje fabryka ŭ Samary. Ale batončyki robiacca ŭ Polščy, jakaja ŭ sankcyjnym śpisie.
Brend Milka naležyć amierykanskaj kampanii Mondelēz International. U słodyčaŭ na našych pryłaŭkach vytvorcy roznyja — jość i Rasija (fabryka ŭ Pakrovie), jość i jeŭrapiejskija krainy (Polšča, Italija). Tamu hetyja šakaładki i piečyva nie źniknuć całkam z kramaŭ.
A voś šakaładki Ritter Sport i Schogetten vypuskaje tolki Hiermanija. Jany mohuć akazacca ŭ deficycie. Jak i Toblerone sa šviejcarskaj fabryki, cukierki «Dary mora» ź bielhijskaj.
Taksama pad sankcyi trapić premijalny šakaład Lindt i Karl Fazer. Pieršy ŭ Biełaruś pastaŭlaje Francyja (choć heta šviejcarski šakaład), druhi — Finlandyja.
Źniknuć mohuć ledziancy ŭ blašanych karobkach (brend Cavendish). Ich zavozili z Hiermanii.
Z Roshen składanaje pytańnie. Ukrainskija vytvorcy nie traplajuć pad sankcyi. Ale Biełaruś uvodzić licenzavańnie dla častki impartu z Ukrainy, u tym liku šakaładu. Praz heta mohuć być składanaści ci zatrymki z pastaŭkami.
U deficycie vierahodna akažucca žavalnyja cukierki Harribo. Na biełaruski rynak ich pastaŭlaje Vienhryja. A jašče Mentos, jaki zavoziać ź Niderłandaŭ.
Zatoje papularnym žavalnym humkam ničoha nie pahražaje — u biełaruskija kramy jany traplajuć z rasijskich fabryk. Orbit robiać u Piciery, Dirol — u Noŭharadzie.
Varta adznačyć, što navat pa zabaronienych katehoryjach tavaru pad sankcyi trapić nie ŭsia pradukcyja. Pa-pieršaje, buduć u prodažy tavary, uviezienyja da kanca hetaha hoda. Pa-druhoje, uviaduć śpiecyjalnyja kvoty, kab «zabiaśpiečyć zbałansavanaść na spažyvieckim rynku».
Čytajcie taksama:
Urad pryniaŭ pastanovu ab sankcyjach: u «čorny śpis» patrapiła miasa, małako, kandytarka i sadavina ź ES, ZŠA i Kanady. Što heta značyć?
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść37
Kamientary