Biełaruś u Čałpon-Acie tak i nie padpisała damovy pra Kalektyŭnyja siły ADKB i nie pieraniała staršynstva ŭ arhanizacyi.
Biełaruś u Čałpon-Acie tak i nie padpisała damovy pra Kalektyŭnyja siły ADKB i nie pieraniała staršynstva ŭ arhanizacyi.
Zaviaršyŭsia rabočy vizit Alaksandra Łukašenki ŭ Kyrhyzstan. Jak paviedamlaje dziaržaŭnaje ahienctva BiełTA, jon vylecieŭ u Minsk.
31 lipienia ŭ Čałpon-Acie prajšoŭ niefarmalny samit kiraŭnikoŭ dziaržaŭ — členaŭ Arhanizacyi Dahavora ab kalektyŭnaj biaśpiecy (ADKB). «Niefarmalnaja sustreča prezidentaŭ doŭžyłasia bolš za dźvie hadziny. Asnoŭnaja ŭvaha była nadadzienaja pytańniam biaśpieki, baraćby ź mižnarodnym teraryzmam, prajavami relihijnaha ekstremizmu ŭ zonie adkaznaści ADKB i ŭ śviecie», — paviedamiła pres-słužba prezidenta Biełarusi.
Baki damovilisia vieści «skaardynavanuju palityku ŭ infarmacyjnaj prastory», a taksama «stvaryć u Rasii centr infarmacyjnych technałohij, dzie buduć prachodzić padrychtoŭku śpiecyjalisty ŭ hetaj śfiery». Pavodle źviestak pres-słužby prezidenta Biełarusi, udzielniki samita taksama padtrymali prapanovu kirhizskaha boku ab stvareńni na voziery Isyk-Kul pastajanna dziejnaha centra dla maładziožnych zboraŭ vajskova-spartyŭnych arhanizacyj dziaržaŭ ADKB, zaznačana ŭ pres-relizie.
Z aficyjnych paviedamleńniaŭ možna mierkavać, što Łukašenka nie padpisaŭ pahadnieńnie ab stvareńni Kalektyŭnych sił apieratyŭnaha reahavańnia (KSAR) ADKB.
Dakumienty ab stvareńni KSAR, nahadajem, byli padpisanyja 14 červienia ŭ Maskvie na samicie ADKB. Delehacyja Biełarusi admoviłasia ad udziełu ŭ im z-za roznahałośsiaŭ z Rasijaj adnosna pastavak biełaruskaha małaka. Usie dakumienty, padpisanyja padčas maskoŭskaha samita, MZS Biełarusi abjaviła nielehitymnymi.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary