«Udziačny ŭsim, chto chvalujecca za ich los». Siastra asudžanaha muzyki Irdorath raskazała pra spatkańnie z bratam
Siastra asudžanaha muzyki hurtu Irdorath Uładzimira Kałača na svajoj staroncy ŭ fejsbuku napisała pra spatkańnie z bratam.
«Učora ja i moj brat naviedali Vovu, jon trymajecca dobra, byli źmieny pa kamiery i jahonyja ŭmovy stali horšyja, ale zaraz jaho viarnuli tudy, dzie jon byŭ doŭhi čas, i tamu nastroj jaho palepšyŭsia.
Jon da śloz pieražyvaje ab Nadzi i ab jaje zdaroŭi (zuby). Za siabie nie chvalujecca, kaža, što dobra ładzić ź ludźmi, tamu ŭsio budzie dobra. Jon kožnuju chvilinu dumaje tolki pra Nadziu i pra doŭhaje rasstańnie, heta ciažka.
Vova vielmi ŭdziačny ŭsim, chto chvalujecca za ich los, pračytaŭ vašyja kamientary i zrazumieŭ što padtrymka jość, ad hetaha stanavicca spakajniej».
14 śniežnia ŭdzielnikam fołk-hurtu Irdorath — Uładzimiru i Nadziei Kałač — sud daŭ pa 2 hady źniavoleńnia za «muzyčnaje supravadžeńnie» minułahodnich pratestaŭ. Udzielnikaŭ hurta zatrymali 2 žniŭnia.
Kamientary