Siekli drevy, kidali kamiani, nielehalna pierachodzili miažu. Pamiežny kamitet patłumačyŭ, čamu mihrantaŭ nie pryciahnuć da adkaznaści
U Dziaržaŭnym pamiežnym kamitecie Biełarusi na zapyt hramadskaści paviedamili, ci raspačynali ŭ našaj krainie spravy na mihrantaŭ za ich učynki ŭ pamiežnaj zonie vosieńniu 2021-ha. Jak viadoma, jany siekli tam drevy, łamali aharodžu, raźbirali bruk i h. d.
Niekalki tydniaŭ tamu źjaviłasia pietycyja, aŭtary jakoj prasili dać pravavuju acenku dziejańniam mihrantaŭ na biełaruska-polskaj miažy i biełaruskich siłavikoŭ, jakija ich nie spyniali.
U adkazie pamiežnaha kamiteta adznačajecca, što «administracyjny abo kryminalny praces u dačynieńni da nazvanaj katehoryi asobaŭ nie pačynaŭsia». Čamu? Bo ŭłady ŭličvajuć «uraźlivaje stanovišča biežancaŭ, niaznačnaść učynienych imi dziejańniaŭ».
U pietycyi, darečy, byli padrabiazna razabranyja dziejańni mihrantaŭ i vyznačanyja administracyjnyja i kryminalnyja artykuły, pa jakich ich možna było b pryciahnuć da adkaznaści.
U Dziaržaŭnym pamiežnym kamitecie ličać, što asnoŭnuju pahrozu biaśpiecy Biełarusi stvarajuć «zusim nie biežancy».
Miž tym, ES abvinavačvaje ŭ arhanizacyi mihracyjnaha kryzisu ŭłady Biełarusi.
«Poŭnaja devalvacyja zakonaŭ i prysiahi». Dziejny pahraničnik pra situacyju na biełaruska-polskaj miažy
Jakija biełaruskija zakony parušajuć mihranty ŭ pamiežnaj zonie? Raźbirajemsia
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary