Miarkujecca, što novy most budzie mienš masiŭnym, čym stary. A taksama z padśvietkaj.
Pra heta raspavioŭ staršynia Minharvykankama, pišuć Minsk-naviny.
Zaraz na puciepravodzie na praśpiekcie Pieramožcaŭ nad vulicaj Niamiha dla dalejšaj abuładkavańnia padmurka i mantažu podpornych ścienak i centralnych kałon, jakija ŭźviaduć u jakaści apory dla belek, idzie zabivańnie 24-ch svaj.
Dyjamietr śvidravin — 1,2 m, hłybinia - ad 15 da 17 m. Nad ich bureńniem pracujuć čatyry ŭstanoŭki. Na abjekt užo pačali pastupać belki. Usiaho ich budzie 44.
Pavodle słoŭ Kucharava, adstavańnia ad hrafika niama. Raniej namieśnik staršyni Minharvykankama Alaksandr Darachovič zajaviŭ, što raboty zojmuć niekalki miesiacaŭ. Jany buduć vieścisia kruhłasutačna. Paźniej Uładzimir Kucharaŭ skazaŭ, što skončyć usie budaŭničyja pracy i zapuścić ruch pa novym puciepravodzie, tak i pad im Minharvykankam płanuje na praciahu miesiaca.
U Biełarusi pierad vybarami mohuć błakavać internet — jak da hetaha padrychtavacca, kab być na suviazi2
Kamientary