U vielmi padazronaj statystycy Minzdaroŭja kolkaść dzionnych vypadkaŭ kavidu znoŭ nabliziłasia da 2000
Heta moža śviedčyć pra čarhovy ŭsplosk kavidu ŭ krainie i patrebu asabliva abierahacca ŭraźlivym hrupam nasielnictva.
«Za sutki ŭ Respublicy Biełaruś zarehistravanyja — 1 tys. 964 pacyjenty z COVID-19, vypisanyja — 1 tys. 856 pacyjentaŭ», — paviedamiŭ 22 studzienia telehram-kanał Minzdaroŭja.
Ekśpierty źviartali ŭvahu na toje, što aficyjnaja biełaruskaja statystyka kolkaści chvorych i śmiarciej ad kavidu piarečyć tamu, što epidemijołahi viedajuć pra zakony raźvićcia epidemij virusaŭ. Tak, padčas pieršaj chvali pandemii statystyka ŭpiorłasia ŭ stol 1000 vyjaŭlenych infikavanych za dzień i doŭhi čas trymałasia na hetym uzroŭni. Padčas druhoj i treciaj chvali kolkaść chvorych upirałasia ŭ 2000.
I voś hetaja stol u aficyjnaj statystycy amal dasiahnutaja znoŭ. Heta moža śviedčyć pra čarhovy ŭsplosk kavidu ŭ krainie i patrebu asabliva abierahacca ŭraźlivym hrupam nasielnictva.
Čytajcie taksama: Łukašenka: Idealna, z majho punktu hledžańnia, kab usie pierachvareli na amikron
Hrafik aficyjna abvieščanaj kolkaści śmierciaŭ ad kavidu ŭ Biełarusi vyhladaje tak.
Hrafik kolkaści śmierciaŭ ad kavidu ŭ Hiermanii vyhladaje zusim inakš.
U astatnich jeŭrapiejskich krainach hrafik kolkaści śmierciaŭ i zaražeńniaŭ nahadvaje niamiecki, a nie biełaruski.
Pavodle aficyjnych źviestak, za pieryjad pandemii ad kavidu ŭ Biełarusi pamierli 5916 čałaviek. U toj ža čas, miarkujučy pa źviestkach ab «zališniaj śmiarotnaści» ŭ krainie, aficyjna zarehistravanaja kolkaść śmierciaŭ ad karanavirusnaj infiekcyi ŭ Biełarusi moža być zanižanaja ŭ 17 razoŭ.
Čytajcie taksama: Ekśpierty: Realnaja śmiarotnaść ad kavidu ŭ śviecie moža być udvaja vyšejšaj za aficyjnyja ličby, u Biełarusi razryŭ hihancki
Statystyka śmiarotnaści ŭ Biełarusi z 2020 hoda zasakrečanaja, ale demohrafy aceńvajuć jaje na asnovie źviestak pa asobnych rajonach krainy i za asobnyja kvartały, jakija trapili ŭ ŚMI ci stali viadomyja strukturam Arhanizacyi Abjadnanych Nacyj.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii6
Kamientary