Palitźniavoleny pravaabaronca Leanid Sudalenka 26 studzienia byŭ pieraviedzieny ŭ vypraŭlenčuju kałoniju №3 «Vićba».
14 studzienia Homielski abłasny sud adchiliŭ apielacyjnuju skarhu pravaabaroncy i pakinuŭ prysud u sile, nahadvaje reform.by.
Leanida Sudalenku zatrymali ŭ studzieni 2021 hoda i asudzili 3 listapada pavodle č. 1 i 2 art. 342 KK na try hady kałonii, abvinavaciŭšy ŭ finansavańni i arhanizacyi dziejańniaŭ, jakija hruba parušajuć hramadski paradak.
Jak raspavioŭ u svaich listach Sudalenka, u vinu jamu stavilisia:
- epizod z drovami, jakija Leanid pryvioz dzieciam z šmatdzietnaj siamji, baćku jakoj potym asudzili za «biesparadki»;
- videa na jutubie z «Rudabielskaj pakazuchi», dzie pravaabaronca tłumačyć błohieru Andreju Pavuku, što takoje pratest ludziej;
- zaklik u sacsietkach sustreć ź IČU žycharku Homlu Maryju Tulžankovu paśla 15 sutak;
- sieminar pa ličbavaj biaśpiecy dla pravaabaroncaŭ;
- apłata štrafaŭ, pošlin za zvarot u sud i dapamohu advakataŭ.
Kamientary