Našto paryć nohi ŭ vocacie? Prosty srodak ad prablem, pra jakija nie pryniata havaryć
Vocat — pradukt, jaki daŭno ceniać za jaho ŭłaścivaści, asabliva bakterycydnyja zdolnaści. Akazvajecca, jon moža dapamahčy i ŭ vypadku niekatorych chvarob noh.
Karysnyja ŭłaścivaści vocatu prydaje vocatnaja kisłata, jakuju vykarystoŭvajuć, miž inšym, u farmaceŭtyčnaj i kaśmietyčnaj vytvorčaści. Vocatnaja kisłata dobra ačyščaje skuru, źniščaje bakteryi i hrybki.
Jość i chatnija miedycynskija recepty z vocatam.
Kali vy zmahajeciesia z treščynami na piatkach i ničoha nie dapamahaje, pasprabujcie rabić vannački dla noh ź jabłyčnym vocatam.
Na adzin litr vady vam spatrebicca dźvie-try stałovyja łyžki vocatu. Trymajcie stupni ŭ vadzie nie bolš za 15 chvilin, potym vysušycie i nadzieńcie bavaŭnianyja škarpetki.
Lepiej za ŭsio rabić takija vannački pierad tym, jak kłaścisia spać. I nie zabyvajcie pra rehularnaść: praceduru varta paŭtarać dva-try razy na tydzień.
Toj ža samy recept vannačak padychodzić i da inšych prablem sa stupniami. Naprykład, vannački ź jabłyčnym vocatam mohuć dapamahčy pry drennym pachu noh. Ale ž pierad tym, jak ich rabić, treba staranna vymyć stupni — mahčyma, z antybakteryjalnym myłam.
Vocat maje nie tolki antybakteryjalnyja, ale i antyhrybkovyja ŭłaścivaści, tamu i pry baraćbie z hrybkom varta rabić vannački dla noh z vocatam.
Narešcie, kali vy majecie na stupniach barodaŭki, vocat znoŭ moža dapamahčy. Rabicie paŭhadzinnyja vocatavyja vannački ci prykładvajcie vatny dysk z vocatam prosta da barodaŭki.
Jak vylačyć mazali z dapamohaj vocatu? Źmiašajcie vadu i bieły vocat u miscy ŭ roŭnaj kolkaści. Rabicie z hetaj vadkaściu vannački dla noh na praciahu 15 chvilin.
Varta pamiatać, što vocat — heta nie leki, a srodak chatniaj miedycyny. Tamu varta vykarystoŭvać jaho aściarožna i pamiatać, što isnujuć i aptečnyja leki. Nie zabyvajcie, što vocat moža razdražniać skuru, a taksama što nie varta rabić vocatavyja vannački ludziam z dyjabietam.
«Hipoteza aktyŭnych babulaŭ i dziadulaŭ». Navukoŭcy patłumačyli sakret doŭhažycharstva
Nazvany stopracentny sposab zarazicca amikronam. Abo źvieści ryzyku da nula
«A što kali b my viedali historyju chvarob donara śpiermy 1558?» — siamja ŭ žałobie
-
Minzdaroŭja: Rost zachvorvańniaŭ na vostryja reśpiratornyja infiekcyi čakajecca ŭ kancy studzienia — lutym
-
«Ja hladzieła na siabie hołuju ŭ lusterku i kazała: «Źmirysia!» Lucyja Hieraščanka raspaviała pra svoj dośvied z «Azempikam»
-
Nie ŭsie ŭltraapracavanyja pradukty adnolkava škodnyja. Niekatoryja možna śmieła jeści
Kamientary