«Mabilnyja hrupy» z byłych śpiecnazaŭcaŭ na čas refierendumu farmuje pałkoŭnik Paŭličenka. Heta ideja Karpiankova
«Mabilnyja hrupy» ź vieteranaŭ śpiecnazu stvarajucca «u metach achovy hramadskaha paradku ŭ dni praviadzieńnia respublikanskaha refierenduma», a taksama musiać achoŭvać siemji vajskoŭcaŭ i členaŭ vybarčych kamisij. A farmuje ich pałkoŭnik zapasu Dźmitryj Paŭličenka ź liku byłych śpiecnazaŭcaŭ, piša sb.by.
Stvareńnie takich hrup — inicyjatyva namieśnika ministra ŭnutranych spraŭ, kamandujučaha ŭnutranymi vojskami Mikałaja Karpiankova. U subotu jon udzielničaŭ u naradzie aktyvu Biełaruskaj asacyjacyi vieteranaŭ padraździaleńniaŭ śpiecyjalnaha pryznačeńnia vojskaŭ MUS «Čiesť», staršynia rady jakoj — akurat Paŭličenka.
U najbližejšy čas u stalicy i ŭ rehijonach projduć «mini-vučeńni i treniroŭki» ŭdzielnikaŭ «mabilnych hrup» (ich uzrost ad 20 da 50 hadoŭ). «My budziem dziejničać u Minsku, abłasnych i niekatorych rajonnych centrach — dakładna pa ŭkazańni supracoŭnikaŭ milicyi, znachodziačysia na pastajannaj suviazi ź imi», — kaža Dźmitryj Paŭličenka.
Paŭličenka sumna viadomy z kanca 1990-ch i pačatku 2000-ch hadoŭ, jaho padazrajuć u stvareńni «eskadronaŭ śmierci», jakija ŭ tyja časy vykradali apanientaŭ Alaksandra Łukašenki. Paśla niedzie ŭ seredzinie nulavych jon adyšoŭ u cień, ale dahetul časam uspłyvaje jak udzielnik praŭładnych mierapryjemstvaŭ.
Raniej staršynia CVK Ihar Karpienka kazaŭ, što paradak na ŭčastkach buduć razam ź milicyjaj zabiaśpiečvać niejkija «družyńniki». Mahčyma, akurat i mielisia na ŭvazie hetyja kadry, jakich źbivaje ŭ «mabilnyja hrupy» Paŭličenka.
Čytajcie taksama:
«Patrebnaja charaktarystyka». Čytačka vyśvietliła, jak stać družyńnikam ci vystupić na kancercie da refierendumu
Padčas refierendumu hramadski paradak na ŭčastkach buduć padtrymlivać «družyńniki»
Na mitynhu za Łukašenku vystupiŭ Paŭličenka i raskazaŭ pra «bandy Cichanoŭskaj»
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?31
Kamientary