«Мабільныя групы» з былых спецназаўцаў на час рэферэндуму фармуе палкоўнік Паўлічэнка. Гэта ідэя Карпянкова
«Мабільныя групы» з ветэранаў спецназу ствараюцца «у мэтах аховы грамадскага парадку ў дні правядзення рэспубліканскага рэферэндума», а таксама мусяць ахоўваць сем'і вайскоўцаў і членаў выбарчых камісій. А фармуе іх палкоўнік запасу Дзмітрый Паўлічэнка з ліку былых спецназаўцаў, піша sb.by.
Стварэнне такіх груп — ініцыятыва намесніка міністра ўнутраных спраў, камандуючага ўнутранымі войскамі Мікалая Карпянкова. У суботу ён удзельнічаў у нарадзе актыву Беларускай асацыяцыі ветэранаў падраздзяленняў спецыяльнага прызначэння войскаў МУС «Честь», старшыня рады якой — акурат Паўлічэнка.
У найбліжэйшы час у сталіцы і ў рэгіёнах пройдуць «міні-вучэнні і трэніроўкі» ўдзельнікаў «мабільных груп» (іх узрост ад 20 да 50 гадоў). «Мы будзем дзейнічаць у Мінску, абласных і некаторых раённых цэнтрах — дакладна па ўказанні супрацоўнікаў міліцыі, знаходзячыся на пастаяннай сувязі з імі», — кажа Дзмітрый Паўлічэнка.
Паўлічэнка сумна вядомы з канца 1990-х і пачатку 2000-х гадоў, яго падазраюць у стварэнні «эскадронаў смерці», якія ў тыя часы выкрадалі апанентаў Аляксандра Лукашэнкі. Пасля недзе ў сэрэдзіне нулявых ён адышоў у цень, але дагэтуль часам усплывае як удзельнік праўладных мерапрыемстваў.
Раней старшыня ЦВК Ігар Карпенка казаў, што парадак на ўчастках будуць разам з міліцыяй забяспечваць нейкія «дружыннікі». Магчыма, акурат і меліся на ўвазе гэтыя кадры, якіх збівае ў «мабільныя групы» Паўлічэнка.
Чытайце таксама:
«Патрэбная характарыстыка». Чытачка высветліла, як стаць дружыннікам ці выступіць на канцэрце да рэферэндуму
Падчас рэферэндуму грамадскі парадак на ўчастках будуць падтрымліваць «дружыннікі»
На мітынгу за Лукашэнку выступіў Паўлічэнка і расказаў пра «банды Ціханоўскай»
-
«Вялікі абсалютна чалавек». Коля Лукашэнка расказаў, што для яго бацька і ў чым ягоная апазіцыйнасць
-
Беларус Арцём запусціў у Польшчы збор на дапамогу сабе. Многія паверылі, а ён аказаўся махляром
-
У мінскіх гандлёвых цэнтрах і кавярнях цяпер не будуць уключаць сусветныя навагоднія хіты. Затое даюць зарабіць праўладным артыстам
«Вялікі абсалютна чалавек». Коля Лукашэнка расказаў, што для яго бацька і ў чым ягоная апазіцыйнасць8
Каментары