U Kanadzie zrabili robata, jaki nadta spraŭna źbiraje hryby
Kanadski robatatechnik Miechrdad Kiermani 10 hadoŭ raspracoŭvaŭ robata-hrybnika, piša vydańnie Western News. Pryłada zdolna źbirać hryby chutčej i jakaśniej za čałavieka.
Mašyna zrazaje hryby, nie paškodžvajučy miakkuju strukturu. Robat skanuje hryb, vyznačajučy jaho śpiełaść. Kali hryb jašče nie hatovy da zboru, to pryłada heta paznačaje i viartajecca da jaho paźniej.
Paviedamlajecca, što robat zrabiŭ revalucyju ŭ zbory hryboŭ. Jon zdolny pracavać da 24 hadzin, źbirajučy pry hetym u razy bolš, čym moža čałaviek.
Ale amataram źbirać hryby ŭ lesie pakul što chvalavacca padstaŭ niama. Im robat nie kankurent, bo stvaraŭsia vyklučna dla zboru ŭradžaju na hrybnych fiermach. Adzin taki ŭžo kruhłyja sutki pracuje na fiermie ŭ kanadskim štacie Antaryjo.
Na fiermach vielmi važnaja funkcyja kruhłasutačnaj pracy. Reč u tym, što hryby rastuć vielmi chutka — za sutki jany mohuć pavialičycca ŭ pamiery ŭdvaja. Tamu kali zrezać hryb da taho, jak jon saśpieje i dasiahnie aptymalnaj vieličyni, to ŭradžaj akažacca kudy mienšym, čym jon moh by być, kali ž zrezać zanadta pozna — to hryb-pierastarak nie zachoŭvajecca doŭha.
Čytajcie taksama:
U Vialikabrytanii robaty poluć pali ŭdarami toku
U armii ZŠA źjaviŭsia robat. Pakul što jon pracuje na kuchni
Na kuchniach restaranaŭ chutkaha charčavańnia ŭsio čaściej źjaŭlajucca robaty
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu26
Kamientary