U Rasii z udziełam Łukašenki i Pucina prajšli stratehičnyja vučeńni z zapuskam hipierhukavych rakiet
Uładzimir Pucin i Alaksandr Łukašenka 19 lutaha pryniali ŭdzieł u treniroŭcy pa kiravańni Uzbrojenymi Siłami Rasii, padčas jakoj prajšło vučeńnie sił stratehičnaha strymlivańnia, paviedamlaje BIEŁTA.
Padčas vučeńnia adpracoŭvalisia pytańni kiravańnia jadziernaj zbrojaj i zbrojaj pavyšanaj patencyjnaj niebiaśpieki.
Da manieŭraŭ pryciahnutyja padraździaleńni Pavietrana-kaśmičnych sił, Paŭdniovaj vajennaj akruhi, Rakietnych vojskaŭ stratehičnaha pryznačeńnia, Paŭnočnaha i Čarnamorskaha fłatoŭ.
Načalnik Hienieralnaha štaba Uzbrojenych Sił Rasii Valeryj Hierasimaŭ dałažyŭ, što asnoŭnaja meta manieŭraŭ ‒ adpracoŭka dziejańniaŭ stratehičnych nastupalnych sił pa naniasieńni harantavanaj parazy sapierniku.
Byli ździejśnienyja puski hipierhukavych rakiet avijacyjnaha rakietnaha kompleksu «Kinžał» i hipierhukavych supraćkarabielnych kryłatych rakiet «Cyrkon». Usie rakiety, pavodle spravazdačy, parazili naznačanyja mišeni.
20 lutaha Pucin i Łukašenka płanujuć uziać udzieł u nieviadomym «surjoznym i cikavym mierapryjemstvie». Što za jano, nie ŭdakładniajecca.
Vučeńni adbyvajucca padčas rezkaha abvastreńnia rasijska-ukrainskaha kryzisu. Rasiju abvinavačvajuć u pahrozie ŭvarvańnia va Ukrainu.
«Zaraz my sa starejšym bratam paraimsia i vyrašym». Pra što havaryli Łukašenka i Pucin padčas pieramovaŭ
Novy ŭzrovień supraćstajańnia z Zachadam. Pra što śviedčać zajavy Pucina i Łukašenki
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci2
Kamientary