Cichanoŭskaja i Łatuška sumiesna zapatrabavali vyvadu rasijskich vojskaŭ ź Biełarusi
Śviatłana Cichanoŭskaja i Pavieł Łatuška 21 lutaha zapisali sumiesnuju zajavu. Jana pryśviečana znachodžańniu ŭ Biełarusi rasijskich vojskaŭ. «My patrabujem vyvadu rasijskich vojskaŭ z našaj terytoryi, — kaža Cichanoŭskaja. — My budziem damahacca, kab hetaje pytańnie było vyniesiena na razhlad u Saviet biaśpieki AAN».
«My ŭžo nakiravali listy ŭ krainy ES z prapanovaj novych mocnych sankcyj suprać udzielnikaŭ arhanizacyi vajennaha kanfliktu [z Ukrainaj], — kaža Łatuška. — My adzinaj kamandaj praviadziem kansultacyi z susiedziami, Jeŭrapiejskim sajuzam, ZŠA i Vialikabrytanijaj».
Lidary demakratyčnaha ruchu padkreślivajuć, što Alaksandr Łukašenka «nie źjaŭlajecca samastojnym hulcom». I zadajucca pytańniem: «Chto ciapier prymaje rašeńni ab vykarystańni terytoryi našaj krainy dla vajennaj ahresii?».
«Kožny nastupny krok suprać biełaruskaha suvierenitetu» čakajuć «samyja surjoznyja nastupstvy», papiaredžvaje Śviatłana Cichanoŭskaja.
«Biełarusi ciapier patrebnyja pradstaŭniki ŭłady, jakija dziejničajuć u nacyjanalnych intaresach, čyje zahady lehitymnyja i zakonnyja», — adznačaje Pavieł Łatuška.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary