MZS Biełarusi: Pa dapamohu da dypłamataŭ va Ukrainie źviarnułasia kala 1000 čałaviek
Pra heta paviedamiŭ pres-sakratar MZS Biełarusi Anatol Hłaz. Pa jaho słovach, ciapier va Ukrainie znachodzicca niekalki tysiač biełarusaŭ. Miažu pierasiakli 50 čałaviek.
«U suviazi z faktami maradziorstva i rabavańniaŭ na darohach Ukrainy zaklikajem biełaruskich hramadzian być maksimalna pilnymi, nie spyniacca na šlachu ruchu biez ekstranaj nieabchodnaści i nie źjazdžać z asnoŭnych aŭtamahistralaŭ. Prośba taksama prytrymlivacca ŭstanoŭlenych mier biaśpieki i prysłuchoŭvacca da rekamiendacyj miascovych uładaŭ pa hetym pytańni», — adznačyŭ Hłaz.
MZS zaklikaje biełarusaŭ va Ukrainie źviartacca ŭ abmasadu Biełarusi. Taksama dypłamaty adznačyli, što viaduć pracu z ukrainskim bokam pa pošuku šlachoŭ evakuacyi.
Ambasada Biełarusi i hałoŭnaje konsulskaje ŭpraŭleńnie MZS pieraviali na kruhłasutačny režym prracy. MZS zaklikaje sačyć za navinami na sajcie i ŭ sacyjalnych sietkach.
Telefony haračych linij: +380504062330; +375173794771 i +375173792673, consul@mfa.gov.by.
Kamientary