Paśla razmovy z Uładzimiram Pucinym prezident Francyi Emaniuel Makron ličyć, što Pucin imkniecca zachapić usiu Ukrainu i što «horšaje jašče napieradzie». Jak paviedamlaje Jelisiejski pałac, Pucin vykazaŭ Makronu vialikuju rašučaść praciahvać nastup z metaj «uziać pad kantrol» usiu krainu.
Rasijski prezident skazaŭ Makronu, što apieracyja rasijskaha vojska raźvivajecca pa płanie Maskvy. Jon skazaŭ, što, kali ŭkraincy nie zdaducca na jahonych umovach, usio budzie horš.
«Prezident Makron čakaje, što horšaje napieradzie, uličvajučy toje, što skazaŭ jamu prezident Pucin», — paviedamili ŭ Jelisiejskim pałacy.
Pucin taksama zajaviŭ Makronu, što infarmacyja ab rakietnych abstrełach Kijeva — heta niapraŭda.
Nasupierak słovam Pucina, rasijskaja delehacyja na pieramovach vysoŭvaje ŭsio mienš umovaŭ, a ŭkrainskija vojski miescami pierajšli ŭ kontrataku.
Kamientary