The Wall Street Journal: Vieta na pieradaču samalotaŭ Ukrainie nakłaŭ sam Bajden, kab nie ćvialić Pucina
Rašeńnie ZŠA admović Ukrainie ŭ pieradačy polskich źniščalnikaŭ MiH-29 pryniaŭ asabista prezident Bajden. I sam nakłaŭ vieta na dastaŭku samalotaŭ, kab nie spravakavać Pucina na inšyja niepradkazalnyja dziejańni. Pra heta piša The Wall Street Journal u redakcyjnym artykule
«Łohika, zdajecca, takaja, što adpraŭka śmiertanosnaj zienitnaj i supraćtankavaj zbroi nie spravakuje rasiejcaŭ, a 28 samalotaŭ spravakujuć.
Hetaje adroźnieńnie ciažka zrazumieć, asabliva kali Pientahon taksama kaža, što ŭkraincam nie patrebnyja reaktyŭnyja samaloty, tamu što inšaja ich zbroja bolš efiektyŭnaja. Takim čynam, adpraŭka mienš śmiertanosnych samalotaŭ pryviadzie da Treciaj suśvietnaj vajny, a zbroi, jakaja na samaj spravie źjaŭlajecca śmiertanosnaj — nie?» — adznačaje redakcyja The Wall Street Journal.
Na dumku vydańnia, bolšaj prablemaj źjaŭlajecca toje, što heta fijaska pasyłaje Pucinu sihnał ab NATA.
«Sutnaść strymlivańnia zaklučajecca ŭ tym, kab prymusić praciŭnika pavieryć, što peŭnyja dziejańni pryviaduć da adkazu, — piša The Wall Street Journal. —
Demanstratyŭna nie pasyłajučy vojski i kažučy, što pryčynaj źjaŭlajecca strach pierad eskałacyjaj, mister Bajden kaža Pucinu, pra što jamu nie varta turbavacca. Zamiest taho, kab strymlivać Pucina, Bajden dazvalaje rasijanam strymlivać ZŠA».
Takija pavodziny stanoviacca dla prezidenta ZŠA normaj, śćviardžaje vydańnie.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary