Buda-Kašaloŭskamu milicyjanieru ŭdałosia ŭhavaryć ananimnych złačyncaŭ viarnuć na miesca vykradzienyja z kambajna akumulatary.
Načalniku kryminalnaha vyšuku Buda-Kašaloŭskaha RAUS udałosia ŭhavaryć ananimnych złačyncaŭ viarnuć na miesca vykradzienyja z kambajna akumulatary.
Jak paviedamiŭ BiełaPAN supracoŭnik adździeła infarmacyi i hramadskich suviaziaŭ UUS Homielskaha abłvykankama Ihar Hryškievič, nieviadomyja nočču vykrali z kambajna, jaki naležyć KSUP «Rohiń», dźvie akumulatarnyja batarei, z-za čaho kambajny nie zmahli vyjści ŭ pole.
Supracoŭniki milicyi, na čale z načalnikam kryminalnaha vyšuku Ivanam Šubičam, jakija prybyli na miesca złačynstva, adpracavali niekalki viersij, ale nie zmahli ŭstanavić asoby złačyncaŭ i akaličnaści kradziažu.
«I tady načalnik vyšuku, vykarystoŭvajučy ŭsio svajo krasamoŭstva, abyšoŭ usich prablemnych u vioscy.
Jon pahutaryŭ z raniej sudzimymi, zajšoŭ da amataraŭ prykłaścisia da šklanki, zaklikaŭ da prystojnaści i sadziejańnia.
Kožnamu patłumačyŭ, nakolki važnaja praca kambajna ŭ pieryjad uborki ziernievych: bo košt vykradzienaha ŭsiaho 322 tysiačy rubloŭ, a voś niepracujučaja technika ŭron haspadarcy naniesła b namnoha bolšy. Dyj pradać vykradzienaje ŭžo niemahčyma — taki šum uźniali», — paviedamiŭ Hryškievič.
Nastupnym dniom paśla hetych razmoŭ ranicaj vykradzienyja akumulatary ŭ cełaści i zachavanaści stajali kala varot miechdvara. «Kambajn adpraviŭsia ŭ pole. Usio ž, słovy apieratyŭnika ŭziali za dušu złodzieja. I, chacia pošuki złačyncy praciahvajucca, udałosia damahčysia hałoŭnaha — vypuścić techniku ŭ pole», — padsumavaŭ supracoŭnik adździeła infarmacyi.
Što zapisana aficyjnaj pryčynaj śmierci adzinaha syna Jarmošynaj?4
Kamientary