Буда-Кашалёўскаму міліцыянеру ўдалося ўгаварыць ананімных злачынцаў вярнуць на месца выкрадзеныя з камбайна акумулятары.
Начальніку крымінальнага вышуку Буда-Кашалёўскага РАУС удалося ўгаварыць ананімных злачынцаў вярнуць на месца выкрадзеныя з камбайна акумулятары.
Як паведаміў БелаПАН супрацоўнік аддзела інфармацыі і грамадскіх сувязяў УУС Гомельскага аблвыканкама Ігар Грышкевіч, невядомыя ноччу выкралі з камбайна, які належыць КСУП «Рогінь», дзве акумулятарныя батарэі, з-за чаго камбайны не змаглі выйсці ў поле.
Супрацоўнікі міліцыі, на чале з начальнікам крымінальнага вышуку Іванам Шубічам, якія прыбылі на месца злачынства, адпрацавалі некалькі версій, але не змаглі ўстанавіць асобы злачынцаў і акалічнасці крадзяжу.
«І тады начальнік вышуку, выкарыстоўваючы ўсё сваё красамоўства, абышоў усіх праблемных у вёсцы.
Ён пагутарыў з раней судзімымі, зайшоў да аматараў прыкласціся да шклянкі, заклікаў да прыстойнасці і садзеяння.
Кожнаму патлумачыў, наколькі важная праца камбайна ў перыяд уборкі зерневых: бо кошт выкрадзенага ўсяго 322 тысячы рублёў, а вось непрацуючая тэхніка ўрон гаспадарцы нанесла б намнога большы. Дый прадаць выкрадзенае ўжо немагчыма — такі шум узнялі», — паведаміў Грышкевіч.
Наступным днём пасля гэтых размоў раніцай выкрадзеныя акумулятары ў цэласці і захаванасці стаялі каля варот мехдвара. «Камбайн адправіўся ў поле. Усё ж, словы аператыўніка ўзялі за душу злодзея. І, хаця пошукі злачынцы працягваюцца, удалося дамагчыся галоўнага — выпусціць тэхніку ў поле», — падсумаваў супрацоўнік аддзела інфармацыі.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?22
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары