Pavieličeńnie abjomu najaŭnych u abarocie spravakavała rost popytu na chatnija siejfy. Taksama raście popyt u kramach zbroi.
Popyt na siejfy ŭ rasijan vyras za apošni miesiac, raspaviali RBK vytvorcy i pradaŭcy hetych tavaraŭ. Siarod pryčyn: vahańni kursaŭ valut, adkładzieny popyt i pavieličeńnie abjomu najaŭnych srodkaŭ na rukach u nasielnictva.
Rezki rost zakupak siejfaŭ — na 34% u b2c-siehmiencie i na 36% u b2b (u naturalnym vyražeńni, ale faktyčnych ličbaŭ pradaviec nie pryvodzić) — byŭ zafiksavany na tydni z 21 pa 27 lutaha ŭ paraŭnańni z tydniem z 14 pa 20 lutaha, paviedamiŭ RBK pradstaŭnik anłajn-hipiermarkieta «VsieInstrumienty.ru». Na tydni z 28 lutaha pa 6 sakavika rost u b2c skłaŭ jašče 20%, u b2b — 4%. Pieryjad da 14 sakavika pry hetym adznačyŭsia źnižeńniem da papiaredniaha tydnia — na 23% u b2c i na 31% u b2b.
Jak rastłumačyŭ RBK kamiercyjny dyrektar «NVA Pramiet» Alaksiej Piatroŭ, faktaraŭ rostu popytu na siejfy niekalki.
Adkładzieny popyt
«Z pačatku hetaha hoda na rynku siejfaŭ spracavaŭ adkładzieny popyt, jaki byŭ źviazany z tym, što ŭ druhoj pałovie minułaha hoda z-za rostu koštu mietału siejfy padaraželi. Tamu popyt na siejfy dla zbroi z pačatku hetaha hoda ŭ nas strelnuŭ praktyčna ŭdvaja ŭ hrašovym vyražeńni», — tłumačyć surazmoŭca. Ceny na mietał jak u Rasii, tak i va ŭsim śviecie raśli z čaćviortaha kvartała 2020 hoda. Rasijskaja Fiederalnaja antymanapolnaja słužba tłumačyła heta rostam popytu paśla źniaćcia abmiežavalnych mier pa baraćbie z karanavirusam. Tak, naprykład, ceny na armaturu ŭ Rasii ŭ 2021 hodzie ŭ adnosinach da 2020-ha vyraśli ŭ siarednim na 73,5% za tonu.
Pavieličeńnie abjomu najaŭnych hrošaj na rukach u nasielnictva
«Paśla pačatku śpiecapieracyi i źmianieńniaŭ u bankaŭskaj sistemie my sapraŭdy bačym dosyć rezki rost popytu na ŭzłomatryvałyja siejfy dla chatniaha i asabistaha vykarystańnia. Heta značyć, ludzi kuplajuć u asnoŭnym albo dadomu, albo ŭ ofisy. Heta adbyvajecca, bo rezka vyrasła dola najaŭnych hrošaj», — adznačaje Alaksiej Piatroŭ.
Pa danych Banka Rasii, abjom najaŭnych hrošaj ŭ krainie na 1 sakavika 2022 hoda dasiahnuŭ 15,82 trłn rasijskich rubloŭ. Abjom vypuščanych CB najaŭnych hrošaj z ulikam reštkaŭ u kasach bankaŭ vyras za miesiac na 2 trłn rub., abo na 14,7%. Taki pryrost u adnosnym vyražeńni staŭ maksimalnym sa śniežnia 2009 hoda (plus 15,1%, ale ŭ toj čas bieznajaŭnyja płaciažy byli mienš papularnyja — kolkaść bankaŭskich kart u krainie była ŭ 2,5 raza mienšaja, čym ciapier). U absalutnym vyražeńni takoha prytoku hatoŭki ŭ ekanomiku nie było za ŭvieś čas nazirańniaŭ. Pierachod «u najaŭnyja» i aktualnaść pytańnia ich zachoŭvańnia ŭžo zafiksavali i banki: klijenty rasijskich finansavych arhanizacyj stali bolš aktyŭna cikavicca arendaj siejfovych jačejek.
Dla čaho patrebnyja siejfavyja jačejki i schoviščy
U 2019 hodzie ŭ Vialikabrytanii, ZŠA i Šviejcaryi byŭ adznačany rost popytu na vysokaabaronienyja schoviščy i siejfavyja jačejki. Daśledavańnie rynku ahienctvam Bloomberg pakazała, što ŭ ich miljardery lubiać zachoŭvać hatoŭku i kaštoŭnyja mietały, bajučysia pahrozy hłabalnaj recesii i stychijnych biedstvaŭ.
Tak, pavodle spravazdačy UBS Global Wealth Management, bolšaść zamožnych inviestaraŭ źbirali najaŭnyja hrošy ŭ čakańni rezkaha padzieńnia rynku da kanca 2020 hoda. Pradstaŭnik Swiss Gold Safe tłumačyŭ Bloomberg, što dla mnohich zamožnych klijentaŭ arandavać siejf u Šviejcaryi ci Lichtenštejnie bolš vyhadna, čym pakłaści hrošy na ŭkład z admoŭnaj prybytkovaściu.
Jak adznačaje Piatroŭ, na rynak siejfaŭ ciapier akazvaje ŭpłyŭ i kursu valuty: «U vyniku rostu kursa dalara da rubla adbyŭsia rost koštu, pierš za ŭsio, paraškovaj farby i niekatorych impartnych kampanientaŭ, jakija vykarystoŭvajucca ŭ elektronnych zamkach. Akramia taho, adzin z našych pastaŭščykoŭ farby dla siejfaŭ admoviŭsia pastaŭlać jaje na rasijski rynak». U suviazi z hetym kampanija źbirajecca šukać novych pastaŭščykoŭ dla impartazamiaščeńnia i naładžvać ułasnuju vytvorčaść kamplektujučych, zajavili ŭ «Pramiecie».
U kramie siejfaŭ HardSafe raspaviali «što «popyt pavialičyŭsia na 100% na ŭsie typy siejfaŭ (i zbrojevyja, i chatnija)», košty vyraśli ad 10 da 60% na roznyja tavary roznych pastaŭščykoŭ. Taksama ŭ kramie paviedamili, što z-za zakryćcia miežaŭ i niemahčymaści kupić valutu im pryjšłosia spynić pastaŭki impartnych tavaraŭ.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary