Łordu Cimaci Bełu nie padoŭžyli kantraktu, ad 18 žniŭnia anhličanin užo nie pracuje na Łukašenku.
«My adpracavali dvanaccać miesiacaŭ. Kantrakt doŭžyŭsia ad žniŭnia letaś, i jaho termin skončyŭsia», — zajaviŭ łord Cimaci Beł u intervju EUobserver.
Kiraŭnik brytanskaha pijar‑ahienctva Bell Pottinger Group admoviŭsia davać bolš šyrokuju infarmacyju. Pavodle vydańnia, nadalej Łukašenka źbirajecca sam zajmacca svaim imidžam, biez paradaŭ z boku zachodnich ekśpiertaŭ.
U adnym ź minułych intervju sajtu łord Beł stanoŭča aceńvaŭ vyniki svajoj pracy ŭ Biełarusi. «Vielmi haścinny, vielmi pryjemna było ź imi pracavać», — zaznačaje anhličanin.
U svaje zasłuhi Beł pastaviŭ toje, što ciaham hodu Łukašenka daŭ intervju takim upłyvovym vydańniem jak Finacial Times i Frankfurter Allgemeine Zeitung. Łord taksama ŭchvaliŭ źjaŭleńnie na aficyjnych fotazdymkach Łukašenki razam z małodšym synam Kolem.
Za apošni hod nazirałasia istotnaje paciapleńnie ŭ biełaruska‑ieŭrapiejskich stasunkach. U kastryčniku 2008 hodu byli admienienyja vizavyja sankcyi suprać Łukašenki i šerahu čynoŭnikaŭ. Kiraŭnik Biełarusi naviedaŭ Rym i Vatykan, a taksama byŭ zaprošany na pražski samit «Uschodniaha partniorstva».
Bieł viadomy ŭ Vialikabrytanii pa pracy na premjer‑ministra krainy Marharet Tetčer u 1980‑yja hady. Klijentami pijarščyka byli eks‑premjer Tajłandu Taksin Čynaŭat, manarchi Saudaŭskaj Aravii. Ciapier Bieł kansultuje viadomaha rasijskaha aliharcha Barysa Bierazoŭskaha, jaki žyvie ŭ Łondanie.
CVK apublikavaŭ łahatyp prezidenckaj kampanii. I znoŭ łoha CVK padobna da dyviersii5
CVK apublikavaŭ łahatyp prezidenckaj kampanii. I znoŭ łoha CVK padobna da dyviersii
Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara77
Snapkoŭ pachvaliŭsia, što biełarusy ciapier zarablajuć rekordna šmat. Padličyli, jak źmianilisia zarobki biełarusaŭ za 10 hadoŭ z ulikam inflacyi dalara7
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki4040
Kamientary