Minharvykankam nie dazvoliŭ Partyi kamunistaŭ Biełaruskaj (PKB) pravieści pikiety ŭ abaronu sacyjalnych pravoŭ pracoŭnych.
Jak paviedamiŭ BiełaPAN pres‑sakratar PKB Siarhiej Vaźniak, pikietoŭcy źbiralisia zapatrabavać ad ułady pavyšeńnia pamieru piensij, akazańnia dapamohi pa biespracoŭi, pryniaćcia mier pa niedapuščeńni masavaha skaračeńnia pracoŭnych miescaŭ i h.d.
Zajaŭki padavalisia na praviadzieńnie pikietaŭ u niekalkich miescach horada, u tym liku na płoščy Banhałor, dzie aficyjna dazvolena arhanizacyja takich akcyj. «Nam nie dazvolili nivodnaha pikieta. Navat na płoščy Banhałor, kudy nas adpraŭlajuć tradycyjna», — padkreśliŭ Vaźniak.
Pres‑sakratar rasceńvaje zabaronu «jak vysokuju acenku ahulnarespublikanskaj akcyi PKB, što prajšła 9 lipienia».«Tady našy aktyvisty vyjšli z antykryzisnaj prahramaj da prachadnych bolš jak 100 pradpryjemstvaŭ pa ŭsioj krainie. I tady nijakich prablem nie ŭźnikła; niekatoryja nieparazumieńni byli tolki ŭ Homielskaj vobłaści. Zaraz ułady schamianulisia i vyrašyli nam uvohule ničoha nie dazvalać», — adznačyŭ Vaźniak.
Jon padkreśliŭ, što situacyja na pradpryjemstvach praciahvaje paharšacca. «Pracoŭnyja bačać, što kryzis pryjšoŭ u Biełaruś, niahledziačy na ŭsie zaklinańni našaha kiraŭnictva. Žyć im stanovicca ŭsio horš, a ŭrad nie moža prapanavać realnych antykryzisnych dziejańniaŭ. U suviazi z hetym naša antykryzisnaja prahrama, jak i raspracavanaja našymi partniorami pa Abjadnanych demakratyčnych siłach, značna vyjhraje pierad dziejańniami ŭładaŭ. Ale prahrama ADS niasie značnuju niebiaśpieku dziejnaj uładzie, bo za ekanamičnymi pieraŭtvareńniami stajać i palityčnyja. A heta ŭžo — realnaja pahroza ŭładzie», — ličyć pres‑sakratar.
Uličvajučy admovu Minharvykankama ŭ praviadzieńni pikietaŭ, členy PKB płanujuć znoŭ pajści na prachadnyja zavodaŭ, kab danieści da pracoŭnych infarmacyju ab antykryzisnych prapanovach apazicyi. Detali praviadzieńnia hetaj infarmacyjnaj akcyi zaraz uzhadniaje kiraŭnictva partyi.
Kamientary