Piaskoŭ prakamientavaŭ paviedamleńni ab tym, što Maskva chacieła zabić Zialenskaha
Dźmitryj Piaskoŭ abvierh paviedamleńni ab tym, što Rasija choča likvidavać prezidenta Ukrainy Uładzimira Zialenskaha.
Pra heta aficyjny pradstaŭnik Kramla zajaviŭ u intervju francuzskamu telekanału LCI.
— Nie, heta niapraŭda. My nie havorym ab zabojstvie kaho b to ni było, nie. Heta dakładna niapraŭda. My nie havorym ab akupacyi Ukrainy, — skazaŭ Piaskoŭ, adkazvajučy na adpaviednaje pytańnie.
Jon zajaviŭ, što «Maskva choča pakłaści kaniec vajennaj apieracyi i zacikaŭlenaja ŭ tym, kab Zialenski pahadziŭsia na vyłučanyja na rasijska-ŭkrainskich pieramovach ŭmovy».
— Praź pieramovy my chočam pakłaści kaniec vajennaj apieracyi, — skazaŭ Piaskoŭ.
U pieršyja dni paśla napadu na Ukrainu asabista Uładzimir Pucin zaklikaŭ ukrainskich vajskoŭcaŭ zrynuć zakonna abranyja ŭłady krainy, nazyvaŭ kiraŭnikoŭ Ukrainy «narkamanami i nieanacystami». U pieršy ž dzień ukrainskija siłaviki likvidavali niekalki šturmavych hrup, jakija prabivalisia ŭ centr Kijeva.
Pra płan Maskvy źniščyć kiraŭnictva Ukrainy, a paśla akupacyi krainy vyniščyć nacyjanalnyja elity paviedamlała zachodnija raźviedki, jakija ŭ astatnim ź vialikaj dakładnaściu zahadzia infarmavali ŭrady svaich krain i ŚMI ab płanie rasijskaj apieracyi.
Kali stała jasna, što blickryh nie ŭdaŭsia i navat Kijeŭ uziać nie ŭdajecca, rytoryka Maskvy źmianiłasia.
Kamientary