Пяскоў пракаментаваў паведамленні аб тым, што Масква хацела забіць Зяленскага
Дзмітрый Пяскоў абверг паведамленні аб тым, што Расія хоча ліквідаваць прэзідэнта Украіны Уладзіміра Зяленскага.
Пра гэта афіцыйны прадстаўнік Крамля заявіў у інтэрв'ю французскаму тэлеканалу LCI.
— Не, гэта няпраўда. Мы не гаворым аб забойстве каго б то ні было, не. Гэта дакладна няпраўда. Мы не гаворым аб акупацыі Украіны, — сказаў Пяскоў, адказваючы на адпаведнае пытанне.
Ён заявіў, што «Масква хоча пакласці канец ваеннай аперацыі і зацікаўленая ў тым, каб Зяленскі пагадзіўся на вылучаныя на расійска-ўкраінскіх перамовах ўмовы».
— Праз перамовы мы хочам пакласці канец ваеннай аперацыі, — сказаў Пяскоў.
У першыя дні пасля нападу на Украіну асабіста Уладзімір Пуцін заклікаў украінскіх вайскоўцаў зрынуць законна абраныя ўлады краіны, называў кіраўнікоў Украіны «наркаманамі і неанацыстамі». У першы ж дзень украінскія сілавікі ліквідавалі некалькі штурмавых груп, якія прабіваліся ў цэнтр Кіева.
Пра план Масквы знішчыць кіраўніцтва Украіны, а пасля акупацыі краіны вынішчыць нацыянальныя эліты паведамляла заходнія разведкі, якія ў астатнім з вялікай дакладнасцю загадзя інфармавалі ўрады сваіх краін і СМІ аб плане расійскай аперацыі.
Калі стала ясна, што бліцкрыг не ўдаўся і нават Кіеў узяць не ўдаецца, рыторыка Масквы змянілася.
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня1
Каментары