Biełaruskija pamiežniki śćviardžajuć pra abstreł terytoryi Biełarusi z boku Polščy. Na videa zaŭvažyli stralbu z rahatki
Dziaržaŭny pamiežny kamitet paviedamlaje, što nibyta ŭ noč z 10 na 11 krasavika polskija vajskoŭcy abstralali biełaruski aŭtadarožny punkt propusku Piasčatka. Taksama polskija siłaviki, pa ich słovach, sprabavali aślapić biełaruskich pamiežnikaŭ strabaskopami.
Dziejańni sumiežnaha boku, jak śćviardžaje DPK, zafiksavanyja kamierami videanazirańnia. A padčas pravierki terytoryi biełaruskija pamiežnyja narady nibyta vyjavili paškodžańni ścienaŭ pamiežnych modulaŭ, a taksama mietaličnyja šaryki.
Raniej, nahadvaje DPK, padobnym sposabam z terytoryi Polščy byŭ abstralany biełaruski pamiežny słup.
Z polskaha boku kamientaroŭ pa hetaj situacyi pakul nie było.
Rasijskaje vydańnie RBK razhledzieła na videa, pradstaŭlenym biełaruskim bokam, što «abstreł» biełaruskaj terytoryi vioŭsia sa zvyčajnaj rahatki.
Učora pra pamiežnyja incydenty na biełaruskaj miažy paviedamlała, naadvarot, pamiežnaja słužba Polščy. Pavodle jaje, 9 krasavika ŭ rajonie vioski Dubičy Carkoŭnyja biełaruskija siłaviki pierakinuli praz aharodžu na miažy draŭlany mastok i zakidali kamianiami polski patrul, vykrykvali abrazy ŭ ich adras.
Čytajcie taksama:
Polskija pamiežniki paviedamlajuć, što biełaruskija siłaviki zakidali ich kamianiami
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?1
Kamientary