Piaciborac Lasun skazaŭ, što nie budzie vystupać za Rasiju z-za vajny, a potym pieradumaŭ
Alimpijski čempijon u sučasnym piaciborji biełarus Alaksandr Lasun, jaki źmianiŭ u 2009 hodzie spartyŭnaje hramadzianstva na rasijskaje, admoviŭsia vystupać za Rasiju. Spartsmien paviedamiŭ u intervju BBC, što bolš nikoli nie budzie pradstaŭlać Rasiju na spabornictvach.
«Ja hanaryŭsia tym, što vystupaŭ pad rasijskim ściaham. Rasija zaŭsiody była darahoj majmu sercu, niečym mocnym, vialikim. Ja zaŭždy adčuvaŭ suviaź z krainaj.
Što ja adčuvaju? Skazać, što ja šakavany — heta ničoha nie skazać. Ja razumieju, što śviet nikoli nie budzie raniejšym.
Spartsmieny ŭ Rasii — heta instrumient. Instrumient prapahandy. Kožny čałaviek pavinien vyrašyć dla siabie, što jamu rabić. Ale ciapier jamu daviadziecca z hetym žyć. Mnie škada kanstatavać, što rasijskija spartoŭcy nijak nie mohuć paŭpłyvać na situacyju. I mnohija ź ich navat nie razumiejuć, što adbyvajecca», — skazaŭ Lasun.
Adnak zatym u intervju rasijskamu «Matč TV» spartoviec abvierh svaje słovy.
«Zdajecca, maje słovy, ale žurnalisty źmiaścili viektar maich vykazvańniaŭ. Ja tolki skazaŭ, što ŭ lutym ja skončyŭ spartyŭnuju karjeru. I bolš vystupać u sučasnym piaciborji nie chaču. Heta nijak nie źviazana sa «śpiecapieracyjaj» va Ukrainie. Ja nie admaŭlaŭsia vystupać za Rasiju praz palityčnuju situacyju. Ja zaviaršyŭ karjeru z-za taho, što ŭ nas naohuł adbyvajecca ŭ śviecie sučasnaha piaciborja, z-za asabistych momantaŭ, źviazanych z našaj [rasijskaj] fiederacyjaj.
Raniej ja žyŭ u Biełarusi, pryjechaŭ u Rasiju, i mienavita Rasija zrabiła mianie alimpijskim čempijonam, mienavita rasijski trenierski skład. Ja cudoŭna heta razumieju», — skazaŭ Lasun «Matč TV».
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami9
Kamientary