Śviet

Handlovyja sietki Litvy vyznačylisia, što rabić z reštkami rasijskich i biełaruskich tavaraŭ

Bolšaść bujnych litoŭskich handlovych sietak nie źbirajucca viartać na pryłaŭki rasijskija i biełaruskija tavary, piša delfi.lt. A tyja, chto viernie, puściać atrymanyja ad prodažu prybytki na dabračynnaść.

Fota: DELFI / Šarūnas Mažeika

Kiraŭnik adździeła kamunikacyj litoŭskaj handlovaj sietki Iki Vajda Budrenie zapeŭnivaje, što ŭ kramach Iki nie pradajucca rasijskija i biełaruskija tavary, a sietka nie padtrymlivaje handlovych stasunkaŭ z Rasijaj i Biełaruśsiu.

«U pieršyja dni vajny my vyvieźli ŭsie biełaruskija i rasijskija tavary, zabłakavali ich prodaž praz kasy i nie źbirajemsia viartać hetyja tavary na pryłaŭki», — paviedamiła Budrenie.

Sietka kramaŭ Lidl Lietuva taksama nie maje namieru viartać na palicy rasijskija i biełaruskija tavary. Pa słovach Liny Skiersicie, pradstaŭnika pa suviaziach z hramadskaściu Lidl Lietuva, razdrobnaja sietka i tak nikoli nie vyłučałasia nadta vialikim asartymientam tavaraŭ z hetych krain.

«Rasijskija ci biełaruskija tavary ŭ nas byli tolki ŭ nievialikich kolkaściach padčas akcyj. Ciapier ža ŭ našym asartymiencie takich tavaraŭ niama», — zapeŭniła Skiersicie.

Pradstaŭnica sietki Maxima pa suviaziach z hramadskaściu Ryma Aŭkštalicie taksama zajaviła, što viartacca da prodažu rasijskich i biełaruskich tavaraŭ nie płanujecca.

«Pa stanie na 28 lutaha ŭ našych kramach bolš niama tavaraŭ rasijskaj i biełaruskaj vytvorčaści — jany kanfiskavanyja z handlu, a zamovy na novyja tavary prypynienyja», — paviedamiła Aŭkštalicie.

Da ŭvarvańnia Rasii va Ukrainu vialikuju častku rasijskich i biełaruskich tavaraŭ u handlovych sietkach Litvy składali ałkaholnyja napoi. Pradstaŭnica Maxima zajaviła, što da pačatku vajny dola tavaraŭ rasijskaj vytvorčaści składała kala 0,8% ad ahulnaha abjomu prodažaŭ, biełaruskich — 0,4%.

«Ałkaholnyja napoi, suchija paŭfabrykaty i sousy, cukierki składajuć najbolšuju dolu rasijskaj pradukcyi. Mienšaja častka — čaj u pakiecikach, siemki», — pieraličyła Aŭkštalicie.

«Na toj momant bolšuju častku prodažaŭ pradukcyi biełaruskaj vytvorčaści farmavali ŭsiaho 50 tavaraŭ: ałkaholnyja i biezałkaholnyja napoi, rybnaja pradukcyja, hiematahien. Śpirtnyja napoi składajuć najbolšuju dolu ichnych tavaraŭ, a taksama vialikaja kolkaść tavaraŭ pramysłovaha pryznačeńnia», — dadała jana.

Miž tym načalnik adździeła kamunikacyj Iki Vajda Budrenie zaśviedčyła, što bolšuju častku pradukcyi vyšejzhadanych krain składaje harełka.

«U nas byli čaj, šampuni, kandycyjaniery, rybnyja pradukty, ale najbolšym popytam karystalisia ałkaholnyja napoi», — skazała Budrenie.

Pradstaŭniki abiedźviuch handlovych sietak dadali, što vialikuju častku svajoj rasijskaj i biełaruskaj pradukcyi jany addali «Charčovamu banku».

«Z rasijskich i biełaruskich praduktaŭ my achviaravali, što mahli, «Charčovamu banku», — paviedamiła pres-sakratar Iki.

«My ŭžo pieradali śviežyja pradukty ŭ «Charčovy bank». My taksama budziem achviaravać inšyja tavary, jakija možam, akramia ałkaholu.

My damovilisia, što rasijskija i biełaruskija tavary buduć razdavać nievajennym biežancam z Ukrainy pa etyčnych mierkavańniach — jany buduć razdavacca žycharam Litvy, jakija žyvuć u niastačy», — patłumačyła pradstaŭnik Maxima pa suviaziach z hramadskaściu Aŭkštalicie.

Krychu adroznuju ad inšych pazicyj zaniała handlovaja sietka Norfa. Paśla vajennaha ŭvarvańnia Rasii va Ukrainu jana zrazu prypyniła zamovy na tavary z Rasii i prybrała rasijskija tavary z palic kramaŭ, ale ŭ pačatku krasavika zajaviła, što tavary buduć viernutyja, a atrymanyja ad hetaha kala 0,5 młn jeŭra pojduć na dabračynnaść.

Pradstaŭnik Norfa Darus Ryliškis zapeŭnivaje, što ciapier u kramach nie tak šmat rasijskich i biełaruskich tavaraŭ.

«My płanujem realizavać astatniuju pradukcyju na praciahu niekalkich miesiacaŭ. Možna čakać, što na hetuju pradukcyju buduć akcyi», — skazaŭ Darus Ryliškis.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9

Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak

Usie naviny →
Usie naviny

Budaŭnika, jaki doŭhi čas žyŭ u Rasii, asudzili ŭ Viciebsku za palityku. A ciapier abviaścili «terarystam»1

U Viciebskaj vobłaści zatrymali za noč 11 čałaviek za kradziež kaŭbasy — jaje vykidvali praz akno7

«Pabačyŭ kurs i cicha zapłakaŭ». Što biełarusy robiać z tannym dalaram?6

Biełaruska papularyzuje alšanski dyjalekt — pasłuchajcie, jak jon hučyć29

U minskich kramach pradajecca azijackaja sadavina amal za 120 rubloŭ2

«Bihboi, kampusy, sipicha». Vy taksama nie zrazumieli?13

Tramp nacisnuŭ čyrvonuju knopku ŭ siabie na stale. I patłumačyŭ, navošta heta zrabiŭ7

Kolkaść nasielnictva płaniety sistematyčna zanižajecca — navukoŭcy2

Zialenski: Z Trampam abmiarkoŭvali pieradaču ZŠA Zaparožskaj AES7

bolš čytanych navin
bolš łajkanych navin

Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9

Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak

Hałoŭnaje
Usie naviny →

Zaŭvaha:

 

 

 

 

Zakryć Paviedamić