Amirani Butyjašvili asudzili na try hady chimii za dźvie akcyi pratestu
Sud Leninskaha rajona Minska 24 sakavika vynies prysud pavodle č. 1 art. 342 KK (udzieł u dziejańniach, jakija hruba parušajuć hramadski paradak) Amirani Butyjašvili. Sudździa Julija Šut pryznačyła minčuku try hady «chimii» za ŭdzieł u akcyjach pratestu suprać falsifikacyi vynikaŭ prezidenckich vybaraŭ u Minsku 9 i 10 žniŭnia 2020 hoda.
Amirani vyzvalili ŭ zale suda paśla dvuch miesiacaŭ pad vartaj.
Asnoŭnymi dokazami ŭdziełu minčuka ŭ akcyjach pratestu stali fota i videa ź jaho telefona. Amirani paćvierdziŭ, što ruchaŭsia pa prajeznaj častcy, fatahrafavaŭ supracoŭnikaŭ milicyi, jakija sa ščytami pierakryvali šlach da stancyi mietro «Niamiha».
Sud vyklučyŭ z abvinavačvańnia ŭkazańnie pra toje, što abvinavačany vykrykvaŭ łozunhi, ździajśniaŭ hučnyja vopleski rukami, pakolki «apošni admaŭlaŭ pakazanaje, a dakładnych dokazaŭ, jakija paćviardžajuć zvarotnaje, sudu nie pradstaŭlena».
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary