Alesiu Bunievič abvinavačvajuć u dapamozie teraryzmu i dziaržzdradzie
Zatrymanuju ŭ Biełarusi dyrektarku i mieniedžarku pa suviaziach z hramadskaściu vilenskaha drukavalnaha centra Alesiu Bunievič abvinavačvajuć u dapamozie ździajśnieńniu akta teraryzmu, piša «Zierkało» sa spasyłkaj na «Biełaruś 1».
Alesia Bunievič, śćviardžajuć stvaralniki pakazanaha ŭ efiry BT filma, pavinna była dapamahčy pakinuć terytoryju Biełarusi «hrupie Dźmitryja Klimava» (30 sakavika byli zatrymanyja troje žycharoŭ Babrujska, jakija ŭčynili dyviersiju 28 sakavika ŭ Asipovickim rajonie).
«Pierad dziaŭčynaj stajała śpiecyfičnaja zadača — jana pavinna była pravieści raźviedku na miascovaści, zrabić zakładki sim-kart i adpravić videa svajmu kurataru ŭ Litvu», — śćviardžajuć stvaralniki filma.
Na videa, jakoje paznačanaje jak «apieratyŭnyja zdymki», Bunievič raskazvaje, jak kuplała litoŭskija sim-karty za niekalki dzion da pajezdki ŭ Biełaruś, pakazvaje, dzie chavała ich na terytoryi krainy, pra toje, jak usio zdymała na videa, kab pierasłać «svajmu kurataru ŭ Litvie». A taksama, što pavinna była «adpravić» maładych ludziej, kali jany padjeduć da miažy.
Klimavu, Aŭramcavu i Minkieviču «pahražaje artykuł teraryzm», hučyć u filmie (da 20 hod pazbaŭleńnia voli).
Alesiu Bunievič nazyvajuć ich saŭdzielnicaj, «arhanizataram kanała ŭciokaŭ terarystaŭ» i… ahientam litoŭskich śpiecsłužbaŭ. «A heta ŭžo zdrada», — havorycca ŭ filmie. Pry hetym jakich-niebudź važkich dokazaŭ hetych abvinavačvańniaŭ nie hučyć.
Pra zatrymańnie Bunievič stała viadoma 15 krasavika. Pa infarmacyi pravaabaroncaŭ, dziaŭčyna žyła ŭ Vilni, a ŭ Biełaruś pryjechała na hadavinu śmierci maci.
Viarnułasia ŭ Biełaruś ź Litvy — ciapier pahražaje 20 hadoŭ za teraryzm. Raskazvajem pra Alesiu Bunievič i padrabiaznaści jaje zatrymańnia
Što viadoma pra chłopcaŭ, zatrymanych sa stralaninaj za dyviersii na čyhuncy?
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary