U Rasii vajskovym piensijanieram stali prychodzić pozvy ŭ vajenkamat
«Važnyja historyi» daviedalisia ab niekalkich vypadkach vyklikaŭ u vajenkamat aficeraŭ zapasu ad 40 da 60 hadoŭ. Vajskovym piensijanieram u zapasie prapanavali padpisać kantrakt na słužbu ŭ «administracyi» na akupavanaj terytoryi Ukrainy z zarobkam ad 90 da 100 tysiač rubloŭ.
Heta havoryć pra toje, pišuć «Važnyja historyi», što, pa-pieršaje, rasiejskaja armija adčuvaje ciažkaści z papaŭnieńniem asabovaha składu i vymušana pryciahvać piensijanieraŭ.
Pa-druhoje, miarkujučy pa ŭsim, rasiejskija vojski płanujuć zastacca na akupavanych terytoryjach nadoŭha.
Raniej ułady Rasii nieadnarazova śćviardžali, što mety akupavać Ukrainu ŭ ich niama.
«Źjaŭleńnie rasijskich vojskaŭ pad Kijevam i ŭ inšych haradach Ukrainy źviazanaje nie z namieram akupavać hetuju krainu, u nas niama takoj mety, i pra heta mnoju taksama było prama skazana ŭ zvarocie 24 lutaha» — kazaŭ Uładzimir Pucin 16 sakavika.
Pa danych daśledčykaŭ Conflict Intelligence Team, prykmiet padrychtoŭki da mabilizacyi ŭ Rasii pakul niama. Tym nie mienš, nichto nie vyklučaje, što dziaviataha maja Pucin abvieścić, što ciapier heta nie «śpiecapieracyja», a sapraŭdnaja vajna.
Heta moža značyć častkovuju mabilizacyju: mahčyma, padoŭžać termin słužby dla sałdat terminovaj słužby; mahčyma, zakličuć nazad niadaŭna demabilizavanych, mohuć, u tym liku, začynić vyjezd bajazdolnym mužčynam peŭnaha ŭzrostu — ad 18 da 35, naprykład, abo ad 18 da 60. «Z vajskovaha punktu hledžańnia nieabchodnaść u hetym, biezumoŭna, prysutničaje: amal usie bajazdolnyja padraździaleńni rasijskaj armii ŭžo zadziejničany ŭ vajnie», ‒ kaža daśledčyk Rusłan Levijeŭ.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im6
Kamientary