«Ničoha nie viedaju, idzie śledstva». Na miažy z Ukrainaj zastrelili biełaruskaha rybaka
Siamja homielskaha vieterynara Siarhieja Čambroviča paćvierdziła, što mužčyna zahinuŭ padčas rybałki na miažy z Ukrainaj — jaho zastrelili. Raniej hetuju infarmacyju apubličyła homielskaje vydańnie «Fłahštok».
«Adkul stralali, nie viedajem, ničoha nie viedajem, idzie śledstva», — kažuć svajaki.
Pa infarmacyi niezaležnych homielskich žurnalistaŭ, zdareńnie adbyłosia 9 maja ŭ rajonie vioski Nižnija Žary Brahinskaha rajona. Tam pa Dniapry prachodzić hranica z Ukrainaj.
Taksama paviedamlajecca, što biełaruskich rybakoŭ było dvoje — adzin nibyta vyžyŭ, atrymaŭšy ranieńnie.
Pakul nieviadoma, chto stralaŭ pa rybakach. Raniej u tym rajonie raźmiaščalisia rasijskija vojski, jakija ź Biełarusi atakavali Ukrainu.
U hety ž čas u dziaržaŭnych miedyja, jakija raspalvajuć nianaviść da Ukrainy, poŭnaja cišynia.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary