«Нічога не ведаю, ідзе следства». На мяжы з Украінай застрэлілі беларускага рыбака
Сям'я гомельскага ветэрынара Сяргея Чамбровіча пацвердзіла, што мужчына загінуў падчас рыбалкі на мяжы з Украінай — яго застрэлілі. Раней гэтую інфармацыю апублічыла гомельскае выданне «Флагшток».
«Адкуль стралялі, не ведаем, нічога не ведаем, ідзе следства», — кажуць сваякі.
Па інфармацыі незалежных гомельскіх журналістаў, здарэнне адбылося 9 мая ў раёне вёскі Ніжнія Жары Брагінскага раёна. Там па Дняпры праходзіць граніца з Украінай.
Таксама паведамляецца, што беларускіх рыбакоў было двое — адзін нібыта выжыў, атрымаўшы раненне.
Пакуль невядома, хто страляў па рыбаках. Раней у тым раёне размяшчаліся расійскія войскі, якія з Беларусі атакавалі Украіну.
У гэты ж час у дзяржаўных медыя, якія распальваюць нянавісць да Украіны, поўная цішыня.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары