Ź SIZA siońnia vypuścili byłoha hałoŭnaha inžyniera TUT.BY Ału Łapatka. Jana znachodziłasia za kratami amal hod. Joj źmianili mieru strymańnia, abvinavačvańni nie źniatyja, paviedamlaje Zerkalo.io.
Raniej byli vyzvalenyja jašče niekalki čałaviek z byłoha kalektyva TAA «TUT BAJ miedyja».
25 krasavika byłoha mieniedžara TAM.BY (uvachodzić u skład TAA «TUT BAJ miedyja») Darju Daniłavu pryznali vinavataj u arhanizacyi i padrychtoŭcy dziejańniaŭ, jakija hruba parušajuć hramadski paradak, albo aktyŭnym udziele ŭ ich. Joj pryznačyli hod i čatyry miesiacy kałonii ahulnaha režymu. Uličvajučy termin, praviedzieny ŭ SIZA (bolš za 11 miesiacaŭ), Darju adpuścili ŭ zale suda. U źniavoleńni Darja praviała bolš za 11 miesiacaŭ.
17 sakavika byli vyzvalenyja były hałoŭny redaktar palityka-ekanamičnaha błoka navin Volha Łojka, były namieśnik hienieralnaha dyrektara pa techničnych pytańniach Alaksandr Dajneka i mieniedžar Publisher Box Andrej Aŭdziejeŭ.
11 sakavika vyzvalili byłuju namieśnicu hałoŭnaha buchhałtara «TUT BAJ miedyja» Maryju Novik, namieśnicu hienieralnaha dyrektara pa ahulnych pytańniach Iryna Rybałka i hałoŭnuju buchhałtarku Anžełu Asad.
U źniavoleńni pa «spravie TUT.BY» zastajucca byłaja hienieralnaja dyrektarka TUT.BY Ludmiła Čekina, eks-hałoŭnaja redaktarka Maryna Zołatava, žurnalistka Alena Tałkačova.
Łukašenka pamiłavaŭ eks-kiraŭnika svajoj achovy Uciuryna7
Kamientary