Dziesiacikłaśnik Valancin Stankievič vystupiŭ u dźviuch naminacyjach: «vakalnaja tvorčaść» i «instrumientalnaja tvorčaść». Jon ihraje i na fartepijana, i na skrypcy, i na bajanie.
Dziesiacikłaśnik Valancin Stankievič vystupiŭ u dźviuch naminacyjach: «vakalnaja tvorčaść» i «instrumientalnaja tvorčaść». Jon ihraje i na fartepijana, i na skrypcy, i na bajanie.
Valancin Stankievič vykanaŭ na fartepijana tvor Iosifa Hajdna «Sanata-partyta», jakoje adpaviadaje ŭzroŭniu 5 kłasa muzyčnaj škoły dla zvyčajnych dziaciej. Valancin taksama staŭ dypłamantam festu jak vakalist.
Valancin — starejšy z čatyroch chłopčykaŭ u svajoj siamji. Jon naradziŭsia ślapym, ale z nadzvyčajnym talentam. U škole ŭ dziciaci vyjavili absalutny słych, a taksama vielmi dobruju pamiać. Kab mieć mahčymaść «čytać» tvory, jon asvoiŭ notny brajl. A ciapier junak vučyć muzyku pa načytanych na dyktafon notnych zapisach.
Dla Valancina fartepijana — druhi instrumient. «U šeść hadoŭ jon pačaŭ vučycca hulać na fartepijana, — raspaviadaje Alena Prakopčyk. — Ale kab ślapomu talenavitamu dziciaci stać vykanaŭcam-virtuozam, lepš za ŭsio pasujuć skrypka i bajan. I my pieraaryjentoŭvali Valancina na bajan. Pieršym nastaŭnikam jaho staŭ viadomy ślapy paet i muzyka Viktar Kudłačoŭ. Ciapier ź im zajmajecca vykładčyca Hrodzienskaj muzyčnaj vučelni i Akademii muzyki Śviatłana Kieduk».
Juny muzyka hraje na prafiesijnym piaciradnym bajanie, pryčym u jahonym repiertuary — paŭtarahadzinnaja prahrama z tvoraŭ uzroŭniu składanaści muzyčnaj vučelni. Akramia bajana, Valancin ihraje na trubie, vystupaje z duchavym arkiestram škoły. Junak taksama piša vieršy na biełaruskaj, rasiejskaj i polskaj movach. Užo ŭvosień płanujecca jaho ŭdzieł u mižnarodnym tvorčym konkursie ŭ Lublinie.
Pieršy mižnarodny fest narodnaj tvorčaści dla asobaŭ z abmiežavanymi mahčymaściami zdaroŭja prachodziŭ z 19 pa 23 žniŭnia ŭ Maskoŭskim sacyjalna-humanitarnym instytucie. U im uziali ŭdzieł kala 320 talentaŭ u vieku ad 14 da 30 hadoŭ. Akramia Valancina Stankieviča jašče troje hrodzienskich dziaciej stali dypłamantami festu: dziesiacikłaśnica škoły-internata dla dziaciej z parušeńniami zroku Viktoryja Hlinskaja ŭ naminacyi «miakkaja cacka», a taksama dzieviacikłaśnicy sa škoły dla dziaciej z parušeńniami słychu Amila Šrejder z pracaj z pacierak i Ksienia Salichava z žestavaj pieśniaj.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu20
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary