Prakuratura Minska raspačała adrazu dziesiać kryminalnych spraŭ u dačynieńni 29‑hadovaha minčanina, jaki zajmaŭsia vyrabam i raspaŭsiudam dziciačaj parnahrafii.
Prakuratura Minska raspačała adrazu dziesiać kryminalnych spraŭ u dačynieńni 29‑hadovaha minčanina, jaki zajmaŭsia vyrabam i raspaŭsiudam dziciačaj parnahrafii, piša Ježiednievnik.
Historyja pačałasia z zatrymańnia vučanicy 11 kłasa škoły №167 h. Minska. Jana pastaŭlała 29‑hadovamu mužčynie niepaŭnaletnich i małaletnich dziaŭčynak dla zdymak. Čarhovaja dziaŭčynka, jakuju sprabavała zavierbavać vypusknica, ŭsio raspaviała baćkam, a baćki — supracoŭnikam Inśpiekcyi pa spravach niepaŭnaletnich UUS Maskoŭskaha rajona .
Dalej supracoŭniki Maskoŭskaha UUS bieź ciažkaściaŭ znajšli padpolnuju studyju dziciačaj parnahrafii. Padčas vobšuku było znojdziena mnostva dyskaŭ sa źniatymi materyjałami.
Zaraz znojdzienyja jak minimum vosiem niepaŭnaletnich i małaletnich minčanak, jaki paciarpieli ad dziejańniaŭ złačyncy. Zaviedziena 10 kryminalnych spraŭ za raspusnyja dziejańni ŭ dačynieńni niepaŭnaletnich i zahadzia małaletnich i ich zhvałtavańnie, uciahnieńnie niepaŭnaletnich u ździajśnieńnie złačynstva, vyrab i raspaŭsiud dziciačaha porna i inšyja.
Varta adznačyć, što apošnimi hadami vyjaŭleńnie złačynstvaŭ, padpadajučych pad artykuł 343 KK «Vyrab i raspaŭsiud parnahrafičnych materyjałaŭ», značna pašyryłasia. Na pačatku miesiaca «NN» pisała pra incydent u Hrodna, kali mužčyna razam ź siabroŭkaj zdymaŭ chatniaje pornavidea i vykładvaŭ jaho ŭ svoj błoh. Za takija dziejańni jon moža atrymać termin da 8 hadoŭ, ale minčaninu, pavodle zaviedzienych 10 kryminalnych spraŭ, pahražaje značna bolšy termin.
Aryštavali pradstaŭnikoŭ kampanii Bayer u Biełarusi15
Kamientary