Kitajskuju movu ŭ Biełarusi vyvučajuć 230 vučniaŭ
Kitajskuju movu ŭ Biełarusi vyvučajuć 230 vučniaŭ u piaci ahulnaadukacyjnych ustanovach krainy. Pra heta paviedamiŭ namieśnik ministra adukacyi Alaksandr Žuk 8 vieraśnia ŭ Minsku na cyrymonii padpisańnia pahadnieńnia pamiž Ministerstvam adukacyi Biełarusi i Dziaržaŭnym upraŭleńniem pa pracy z zamiežnymi śpiecyjalistami Kitaja.
Pavodle słoŭ Žuka, kitajskaja mova vyvučajecca ŭ himnazijach № 12 i 23 Minska, staličnych škołach № 10 i 20, a taksama ŭ viciebskaj škole № 44.Jon zaznačyŭ, što ŭsie škoły zabiaśpiečany kvalifikavanymi vykładčykami kitajskaj movy.
U suviazi ź pierachodam ajčynnaj škoły na 11-hadovy termin atrymańnia ahulnaj siaredniaj adukacyi kitajskaja mova, jak i lubaja zamiežnaja, vyvučajecca z 3-ha kłasa.
Jak paviedamiŭ Žuk, praciahvajecca rabota pa vydańni nacyjanalnych padručnikaŭ kitajskaj movy. Tak, vyjšaŭ u śviet navučalny dapamožnik pa kitajskaj movie dla 3-ha kłasa, padrychtavana pieršaja častka dapamožnika dla 4-ch kłasaŭ.
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary