Rasijskaja armija va Ukrainie adčuvaje ciažkaści z farmavańniem dadatkovych častak
Pavodle acenak amierykanskaha Instytuta pa vyvučeńni vajny (ISW) na 12 červienia, rasijskija siły praciahvajuć adčuvać ciažkaści z farmavańniem dadatkovych bajazdolnych častak.
ISW pryvodzić vysnovy Ministerstva abarony Vialikabrytanii, zhodna ź jakimi na bazie bryhad i pałkoŭ u rasijskaj armii sprabujuć stvarać trecija bataljonnyja taktyčnyja hrupy (BTH), u toj čas jak zvyčajna ich možna stvaryć tolki dźvie, i navat heta pakidaje bazavyja častki mocna niedaŭkamplektavanymi.
Brytanskija vajskoŭcy miarkujuć, što hetyja trecija BTH, vierahodna, taksama buduć niedaŭkamplektavanyja asabovym składam i buduć spadziavacca na navabrancaŭ i mabilizavanych reziervistaŭ, jak vynik — nie buduć vałodać bajavoj mocaj zvyčajnych BTH.
Asnoŭnaj metaj rasijskaj vajskovaj kampanii, pavodle acenak ISW, zastajecca Uschodniaja Ukraina — poŭdzień Charkaŭskaj, Danieckaj i Łuhanskaj abłaściej, i ŭ ramkach hetaj mety Maskva płanuje akružyć ukrainskija siły na ŭschodzie Ukrainy i całkam zachapić Danieckuju i Łuhanskuju vobłaści, na jakija pretenduje kiraŭnictva samaabvieščanych i pryznanych Rasijaj DNR i ŁNR.
Rasijskija siły, vierahodna, buduć sprabavać i dalej adciaśnić ukrainskija vojski na paŭnočny ŭschod Charkaŭskaj vobłaści, kab praduchilić dalejšaje prasoŭvańnie da miažy z Rasijaj. Adnak, jak zajaviŭ Hienštab Ukrainy, sproby nastupu ŭ kirunku Starycy i Rubiežnaha pakul byli biespaśpiachovymi.
U Chiersonskaj i Zaparožskaj vobłaści namahańni rasijskaj armii skancentravanyja na tym, kab utrymać abarončyja rubiažy va ŭmovach ukrainskich kontratak.
Narešcie, jak pišuć analityki ISW, rasijskija ŭłady vykarystoŭvali Dzień Rasii dla dalejšaha ŭmacavańnia administracyjnaha kantrolu na časova akupavanych terytoryjach. Pa ich dumku, Maskva takim čynam stvaraje ŭmovy dla patencyjnaj anieksii hetych terytoryj u budučyni ci inšaha palityčnaha ŭładkavańnia pa jaje vybaru.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary