Siabar siraty Dźmitryja Stachoŭskaha, letaś daviedzienaha karnymi orhanami da samahubstva, słužyć u pałku Kalinoŭskaha
Pra «kalinoŭca» Sašu z pazyŭnym «Tunhus» napisała ŭ Fejsbuku žurnalistka Jaŭhienija Doŭhaja.
Jaŭhienija Doŭhaja piša:
«Heta Saša — biełarus z pazyŭnym «Tunhus». Saša pakinuŭ Biełaruś z-za palityčnych represij. Jaho siabar, sirata Dzima Stachoŭski ździejśniŭ suicyd, skoknuŭšy z vyšyni 16-paviarchovaha doma. U pieradśmiarotnaj zapiscy jon zaśviedčyŭ, što abvinavačvaje ŭ hetym Śledčy kamitet, jaki raspačaŭ suprać padletka kryminalnuju spravu za ŭdzieł u apazycyjnych mitynhach u Biełarusi 9—11 žniŭnia 2020 hoda».
Zaraz Saša, pavodle žurnalistki, słužyć u składzie bataljona imia Kastusia Kalinoŭskaha.
Nahadajem, što trahiedyja ź siratoj Dźmitryjem Stachoŭskim zdaryłasia 25 maja 2021 hoda: 18-hadovy chłopiec skinuŭsia sa šmatpaviarchovika. Pierad hetym jon pakinuŭ dopis «Ukantakcie», u jakim kazaŭ, što nie vytrymlivaje cisku — junak prachodziŭ fihurantam pa spravie ab masavych biesparadkach.
Na svoj apošni krok jon navažyŭsia ŭ toj dzień, kali jaho ŭ čarhovy raz vyklikali na dopyt u SK. Ale ž pierad hetym Dźmitryj nie raz kazaŭ siabram: lepš suicyd, čym kałonija. I ŭ svaju apošniuju noč jon pisaŭ siabram i znajomym, navat skidvaŭ im fota, maŭlaŭ, hladzicie, ja sapraŭdy na dachu. U vyniku vyratavać chłopca ci to nie zmahli, ci to nie paśpieli.
Čytajcie taksama:
Skončyŭ žyćcio samahubstvam 18-hadovy sirata, fihurant spravy ab masavych biesparadkach
Pierad suicydam Dźmitryj Stachoŭski rassyłaŭ siabram fota z 16 paviercha. Što im treba było rabić? Adkazvaje psichołah
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary