Pad Razańniu paciarpieŭ katastrofu Ił-76. Na borcie było 10 čałaviek
U Razani ŭnačy paciarpieŭ krušeńnie Ił-76. Paśla padzieńnia samalot zahareŭsia. Pa apošnich danych, zahinuli 4 čałavieki, jašče 5 paciarpieli. Usiaho na borcie samalota da 10 čałaviek.
Vajenna-transpartny samalot Ił-76 lacieŭ z Arenburha ŭ Biełharad, u Razani pryziamlaŭsia na dazapraŭku. Krušeńnie adbyłosia adrazu paśla ŭźlotu. Na kadrach videa bačna, što samalot zahareŭsia ŭ pavietry.
Samalot upaŭ u poli ŭ niepasrednaj blizkaści ad pryvatnych žyłych damoŭ, u rajonie Michajłaŭskaj šašy.
Na borcie sudna znachodzilisia 10 hramadzian.
«Cieły dvuch zahinułych dastali z pałajučaha borta», — raspavioŭ surazmoŭca ahienctva TASS. Pa danych krynicy TASS ŭ ekstranych słužbach, u vyniku avaryi paciarpieli piać čałaviek.
«Adzin čałaviek u stabilna ciažkim stanie. Jaho padniali ŭ reanimacyju, abychodziačy pryjomny pakoj», — skazaŭ surazmoŭca ahienctva.
Paźniej stała viadoma pra čatyroch zahinułych.
U Minabarony RF, kamientujučy incydent zajavili, što samalot vykonvaŭ vučebna-trenirovačny palot, hruzu na jaho borcie nie było.
Heta ŭžo treci vypadak za tydzień.
Kamientary