Hrošy na «Bajraktary» dla ŭkraincaŭ źbirajuć i palaki, i litoŭcy. Biełarus Padlašša Tamaš Sulima zapuściŭ asobny zbor dla biełarusaŭ.
«Biełarusy, jakija žyvuć u Polščy, nie mohuć i nie chočuć biaździejničać pierad abliččam žachlivaj vajny va Ukrainie. Tamu padtrymlivajem hrašovy zbor na «Bajraktar» praz kraŭdfandynh! Pamiatajem padtrymku palakaŭ i ŭkraincaŭ paśla 2020 hoda. My nie zhodnyja z palitykaj Respubliki Biełaruś, akupavanaj režymam A. Łukašenki. My nie chočam asacyjavacca ź im. My na baku Ukrainy da kanca», — napisaŭ inicyjatar.
U biełaruskim zbory na hety momant paŭdzielničaŭ užo 81 čałaviek. Sabrana bolš za 9 tysiač złotych.
Kamientary