Hramadstva7

Azaronak i Piatroŭski: Nam treba čyrvona-karyčnievaja Rasija. Aby nie było vajny — heta łozunh dla žančyn

Na Youtube źjaviŭsia videazapis debataŭ z udziełam prapahandystaŭ. 

Usie foty: videazapis debataŭ 

Z adnaho boku — prapahandysty Ryhor Azaronak i Piotra Piatroŭski. Ich apanienty — Pavieł Hardziajuk i Pavieł Zacharčanka ź psieŭdapartyi «Demakratyčny sajuz», stvoranaj pad kryłom Juryja Vaskrasienskaha.

U pačatku červienia stała viadoma pra raskoł u hetaj arhanizacyi: z čatyroch byłych udzielnikaŭ jaje palitrady ŭ abjadnańni zastalisia dvoje. Praz staŭleńnie da vajny va Ukrainie z «Demsajuza» syšli Alaksandr Kazačok i Andrej Kušnieraŭ (apošni pajechaŭ vajavać za Ukrainu na baku biełaruskich dobraachvotnikaŭ).

Temaj debataŭ vybrali vajnu va Ukrainie. Praŭda, ź pieršych chvilin Piatroŭski paviedamiŭ surazmoŭcam dy publicy, što, maŭlaŭ, vajny va Ukrainie niama, bo «ni adzin bok jaje nie abviaščaŭ».

Piatroŭski skazaŭ, što likvidacyja «hetaha subjekta mižnarodnaha prava» — tak śpikier nazvaŭ Ukrainu — uvachodzić u nacyjanalnyja intaresy Biełarusi.

U adkaz apanienty adznačyli, što padziei va Ukrainie pa ŭsich prykmietach adpaviadajuć mienavita paniaćciu «vajna», a nie naźvie «śpiecyjalnaja vajennaja apieracyja». Tym nie mienš, viadučy debataŭ vykarystoŭvaŭ apošniaje z abaznačeńniaŭ.

Pačynajučy ź siaredziny debataŭ, žarści pačali raspalvacca. Zacharčanka adznačyŭ, što intaresy Biełarusi va ŭkrainskim kanflikcie nastupnyja: nie dapuścić vajny na terytoryi Biełarusi i ŭdziełu biełarusaŭ u hetaj vajnie.

Na hetuju repliku Piatroŭski emacyjanalna adreahavaŭ i zaŭvažyŭ, što «aby nie było vajny — heta łozunh dla žančyn».

Jakija ž tady, na jaho dumku, intaresy pavinna mieć Biełaruś u hetaj vajnie?

«Pieršaje — heta toje, kab tyja, chto nie praćvierazieŭ u 2020 hodzie, praćvierazieli i vyjšli z vyćviareźnikaŭ biez chvaroby piečani i nyrak, i zrazumieli, što ideałohija demakratyi i pravoŭ čałavieka i zachodnija kaštoŭnaści — heta poŭnaje fufło. Druhi ŭzrovień — nam treba, kab Rasija pazbaviłasia ad čubajsaŭ u toj ci inšaj stupieni.

Nam treba — niepapularny łozunh siarod libierałaŭ — čyrvona-karyčnievaja Rasija».

Dziŭny tezis Piatroŭski patłumačyŭ nastupnym čynam: «Nam treba, kab Viarchoŭny Saviet 1993 hoda ŭ asobie hłybinnaj rasijskaj dziaržavy pravioŭ revanš. Kab tych aliharchaŭ, jakija zachapili rasijskuju ŭłasnaść, pasadzili, i kab nacyjanalizavali tuju ŭłasnaść, jakuju paraskradali ŭ ruskich».

Zrabić heta, pa mierkavańni praŭładnaha palitołaha, treba tak, kab «Rasija bolš nie maryła pra chrust francuzskaj bułki».

I jašče niekalki metaŭ ad Piatra Piatroŭskaha: «Naša zadača — kab na našych miežach nie było dziaržavy, što aščaciniłasia. Na siońniašni momant nie baču mahčymaści zrabić heta niejkim inšym čynam, akramia likvidacyi kijeŭskaha režymu. To-bok

miaža USSR z Polščaj, Vienhryjaj i Rumynijaj pavinna być novaj miažoj Rasii».

Abahulniaje svaje idei mužčyna tak:

«Naša zadača — viartańnie Jeŭropy ŭ rodnuju havań. P***rasy, leśbijanki, zvarjaciełyja libierały niachaj vyjazdžajuć kudy žadajuć: u Hrenłandyju, Isłandyju ci da chobitaŭ. Ale Jeŭropa budzie ci chryścijanskaj, ci nijakaj».

Jak siabie pavinna vieści Biełaruś paśla zakančeńnia kanfliktu? Azaronak kaža pra «biełarusizacyju Rasii», ale ž prapanuje zrabić jaje chutčej praz svojeasablivy padychod da ekanomiki: «tyja, chto skraŭ, pavinny heta viarnuć».

Azaronak raźvivaje dumku Piatroŭskaha pra čyrvona-karyčnievuju Rasiju: «Čyrvona-karyčnievy — drenna? Ale heta koler abraza Baharodzicy na karyčnievaj došcy, tamu i budzie biełarusizacyja Rasii ŭ čyrvona-karyčnievym pravasłaŭnym tonie».

Piotra Piatroŭski adznačyŭ, što, jak jamu zdajecca, dziejańni Rasii va Ukrainie — heta tolki pačatak: «Spadziajusia, što i Kitaj zrobić śpiecyjalnuju vajennuju apieracyju na Tajvanie, i što ŭ kančatkovym vyniku projdzie mižnarodny trybunał nad kalektyŭnym Zachadam, jaki niasie pramuju adkaznaść za ŭvieś kałanijalizm».

U svaju čarhu, Alaksandr Łukašenka ŭ svaim vystupie na Kurhanie Słavy 3 lipienia adznačyŭ, što Ukrainu padtrymlivajuć 50 dziaržaŭ, tady jak Rasiju — adna Biełaruś. 

«I što jany nie viedali, što ŭ nas stvorana ŭžo daŭno ŭ sajuzie Biełarusi i Rasii adzinaja hrupoŭka Uzbrojenych Sił, faktyčna adzinaje vojska. Vy ž heta viedali. Dyk čamu nas siońnia paprakajecie? My byli i budziem z brackaj Rasijaj.

Naš udzieł u hetaj śpiecapieracyi (vajnie z Ukrainaj — NN) mnoju vyznačany daŭno. U pieršy dzień pačatku hetaj apieracyi. Kali ja skazaŭ, uspomnicie: «My nikomu nie dazvolim stralać u śpinu ruskamu čałavieku».

I my zaniali abaronu ad Bresckaj krepaści pa paŭdniovaj miažy, kab nie dapuścić hetaha ŭdaru ŭ śpinu z boku nataŭskich vojskaŭ. Jany hetaha nam daravać nie mohuć», — zajaviŭ Łukašenka.

«Naša Niva» — bastyjon biełaruščyny

PADTRYMAĆ

Pamiatajecie studenta, jaki na sustrečy z Łukašenkam kazaŭ, što choča być prezidentam? Jon ciapier u kamandzie Vaskrasienskaha

Partyja, stvoranaja pad kryłom Vaskrasienskaha, razvalvajecca. Syšoŭ jašče adzin ź jaje kiraŭnikoŭ

Kamientary7

  • Kažym Ratujevič
    03.07.2022
    «Antyfašysty» užo nie chavajuć svajho karyčnievaha koleru. Bo zabłytalisia ŭ svajoj prapahandonskaj chłuśni dy słušna vyrašyli – «zaŭsiody kažy praŭdu, tady nie daviadziecca napružana ŭspaminać papiaredniuju chłuśniu» :)))
  • Litwin
    03.07.2022
    Piatroŭski pakazaŭ usiu svaju fašysckuju istu. Heta samy sapraŭdny ruskamirny fašyst i kałabarant. Hety tvar łukašyzmu. Meta hetych zdradnikaŭ jasnaja - źniščeńnie Biełarusi i Ukrainy.
  • Vyvoditiel krasno-koričnievoho
    03.07.2022
    Čio za dič...

Kaho z palitviaźniaŭ mohuć vypuścić paśla anonsu Łukašenki?7

Kaho z palitviaźniaŭ mohuć vypuścić paśla anonsu Łukašenki?

Usie naviny →
Usie naviny

U Kamianieckim rajonie ŭsio jašče šukajuć źnikłuju čatyrochhadovuju dziaŭčynku. Patrebnyja dobraachvotniki

Minabarony Rasii zajaviła ab źniščeńni piaci ŭkrainskich Su-27 na aeradromie va ŭkrainskim Mirharadzie1

U Mahilovie źbirajucca pabudavać muziejny kompleks u honar rasijskaha cara Mikałaja II13

«Kab nie razmova pra hrošy za kanapaj, ja b jaho nie paznała». Źniavolenaja raskazała pra sustreču ź Cichanoŭskim u turemnym ciahniku9

Siońnia znoŭ pierakryjuć vulicy Minska z-za repietycyj paradu4

Byŭ pad narkotykami, akazaŭ supraciŭ. Pamiežniki raskazali pra hołaha mužčynu na miažy pad Brestam6

«Hatova była pačynać navat z adnym vučniem». Biełarusy ŭ Hruzii stvarajuć biełaruskamoŭnuju škołu17

Bialackaha ŭ Horackaj kałonii viarnuli z PKT u atrad i pazbavili pieradačaŭ2

Jak dapamahatary zarablajuć na polskich vizach z novaj sełfi-vieryfikacyjaj2

bolš čytanych navin
bolš łajkanych navin

Kaho z palitviaźniaŭ mohuć vypuścić paśla anonsu Łukašenki?7

Kaho z palitviaźniaŭ mohuć vypuścić paśla anonsu Łukašenki?

Hałoŭnaje
Usie naviny →