«Chrenin užo nalaplaje na kartu «Točku-U». BYPOL patłumačyŭ, čamu rakietnyja ŭdary Ukrainy pa Biełarusi — chłuśnia
2 lipienia na ŭračystym schodzie z nahody Dnia Niezaležnaści Łukašenka zajaviŭ pra toje, što USU nanieśli ŭdar pa vajennych abjektach na terytoryi Biełarusi. Nibyta ataka była adbitaja: usie rakiety pierachoplenyja supraćpavietranymi kompleksami «Pancyr». BYPOL tłumačyć, što ŭ hetym raspoviedzie nie sychodzicca.
U ciapierašni čas va Ukrainie srodkam, zdolnym abstralać abjekty ŭ Biełarusi i pry hetym nie być źniščanym, źjaŭlajecca apieratyŭna-taktyčny rakietny kompleks «Točka-U», raspaviadaje BYPOL.
«Pakiniem u spakoi najaŭnaść łohiki ŭ pavodzinach, što prypisvajucca Ukrainie. Jaje prosta niama. Razhledzim pryznačeńnie i charaktarystyki zienitnaha rakietna-harmatnaha kompleksu (ZRHK) «Pancyr-S1».
Pa-pieršaje, hety kompleks źjaŭlajecca srodkam blizkaha dziejańnia i pracuje na małych i hranična małych vyšyniach. Jon nie pryznačany dla «pracy» pa celach z balistyčnaj trajektoryjaj palotu takich, jak rakieta kompleksu «Točka-U».
Pa-druhoje, ZRHK «Pancyr-S1» pracuje pa celach, chutkaść jakich nie bolšaja za 1000 m/s. Chutkaść ža palotu rakiety kompleksu «Točka-U» pieraŭzychodzić hety pakazčyk i składaje 1100 m/s.
Pa-treciaje, dalokaść dziejańnia «Pancyra-S1» pa pavietranych celach składaje 20 km rakietami i ŭsiaho tolki 4 kiłamietry harmatnym uzbrajeńniem.
Kompleks «Pancyr-S1» vystaŭlajecca niepasredna pablizu abjekta, jaki jon achoŭvaje. Efiektyŭnaja płošča raśsiejvańnia rakiet «Točka-U» ŭ dziesiać razoŭ mienšaja za płošču raśsiejvańnia standartnych dla «Pancyr-S1» celaŭ, a heta značyć, dalokaść dziejańnia kompleksu dla takoj celi budzie značna mienšaj, čym zajaŭlena.
To-bok «Pancyr» naŭrad ci b adoleŭ zadaču. Ale i heta nie ŭsio.
Što aznačaje, što rakieta była pierachoplenaja? «Pierachapić» aznačaje prymusić zdetanavać jaje bajavuju častku vysoka ŭ pavietry. Asnoŭny typ bajavoj častki rakiety «Točka-U» — askiepkava-fuhasny. U joj 162 kh sumiesi hieksahienu i traciłu i 14500 paražalnych elemientaŭ.
To-bok, mnohija ludzi pavinny byli bačyć, a jašče bolšaja kolkaść čuć padryŭ 162 kh traciłu ŭ pavietry na dziasiatki kiłamietraŭ vakoł. Reštki rakiet pavinny byli raźlaciecca pa šyrokaj płoščy, zvalicca na padvorki i haspadarki, inšyja miescy.
Adnak nie było nijakich źviestak ab pavietranych vybuchach. Niama videa, niama askiepkaŭ i častak rakiet.
Bajpołaŭcy pišuć, što nie sumniavajucca, što «vykanaŭcy tryźnieńnia dyktatara schapilisia za hałovy padčas hetaha śpiču i ŭ ciapierašni čas aktyŭna ŭzialisia za stvareńnie «dokazaŭ» i ŭžo ŭpotaj raźbirajuć rakietu kompleksu «Točka-U» u 465 rakietnaj bryhadzie (Asipovičy) abo na arsienale, a hramadzianin Chrenin zajmajecca aplikacyjaj — nalaplaje na kartu vyjavy kompleksu «Točka-U» z padniatymi ŭ bajavoje stanovišča rakietami».
«Toje, što Łukašenka adkryta chłusić, heta ŭžo i tak usim daŭno jasna! Pytańnie ciapier u adnym! Navošta jon heta robić!?» — zadajucca pytańniem bajpołaŭcy.
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary