68-hadovy palitviazień Mikałaj Vicikaŭ vyjšaŭ na volu. Jaho zatrymali za krytyku papravak u Kanstytucyju
Pieraśled 68-hadovaha piensijaniera pačaŭsia paśla taho, jak Vicikaŭ napisaŭ u redakcyju rajonnaj haziety «Majak» list z krytykaj papravak u Kanstytucyju RB.
6 studzienia ŭ jaho adbyŭsia pieratrus — šukali b-č-b-simvoliku, padpiski na pratesnyja kanały, ale ničoha nie znajšli.
14 studzienia Vicikaŭ byŭ zatrymany i źmieščany pad vartu jak padazravany pavodle č. 1 art. 130 KK RB (raspalvańnie rasavaj, nacyjanalnaj, relihijnaj albo inšaj sacyjalnaj varožaści). Paźniej sprava była pierakvalifikavanaja pa artykule 369-1 KK — dyskredytacyja RB.
7 červienia sud Navabielickaha rajona Homiela (sudździa Alaksandr Zinčuk) vynies prysud: «8 miesiacaŭ pazbaŭleńnia voli ŭ kałonii ahulnaha režymu za «zamach na raspaŭsiudžvańnie niedakładnaj, abraźlivaj infarmacyi pra dziejnaść dziaržorhanaŭ…»
Vicikavu termin pakarańnia byŭ pieraličany z ulikam pierazaliku dzion, praviedzienych u SIZA, i skončyŭsia 28 červienia.
«Nazvaŭ Usiebiełaruski schod «šabašam». Jak 68-hadovaha byłoha deputata i dyrektara škoły asudzili za «dyskredytacyju Respubliki Biełaruś»
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj7
Kamientary