«Ježa — voś biada, z astatnim možna źmirycca». Błohiery ŭ tvitary chvalać Minsk i nie razumiejuć, što ludzi zabyli ŭ Varšavie
«Varšava i Vilnia — vielmi dziŭnyja miescy dla rełakacyi», «Minsk staŭ tańniejšy za Polšču pa ježy», — abmiarkoŭvajuć viadomyja błohiery plusy žyćcia ŭ biełaruskaj stalicy. Ludziej, jakija źjazdžali za miažu nie pa dobryja restarany, heta začapiła.
«Minsk u bytavym płanie vielmi kłasny horad. Varšava i Vilnia — vielmi dziŭnyja miescy dla rełakacyi. Daŭnhrejd dakładna. I harady bolš panyłyja i niazručnyja, i nadvorje takoje ž dziarmo», — napisaŭ u tvitary zasnavalnik «Anłajniera» Vital Šuraŭka.
«Ježa! Voś biada, z astatnim možna źmirycca… Chacia, možna charčavacca z kramy», — adkazaŭ fudchantar Kakabaj.
«Mahu skazać, krychu pajeździŭšy pa śviecie, što Minsk u płanie ŭstanoŭ mocna lepšy za bolšaść «cyvilizavanaha śvietu». A zručnaść jazdy na mašynie naohuł mała z čym paraŭnalnaja, aproč Štataŭ», — dadaje Šuraŭka.
«Ni ŭ adnym horadzie ZŠA pamieram ź Minsk (takich mała) nie budzie zručna jeździć na aŭto z-za trafikaŭ. A Varšava značna bolš kamfortnaja i dla aŭto, i asabliva dla piešachodaŭ.
Minsk sapraŭdy vielmi kamfortny dla mašyn. A dla piešachodaŭ i karystalnikaŭ nie mietro, a inšaha hramadskaha transpartu, — zadnica. Maršruty kryvyja, kandycyjaniery tolki stali źjaŭlacca, i to pracujuć nie zaŭždy, tramvaj badaj što pachavali. U centry zaŭždy piešachodaŭ honiać pad ziamlu», — padzialiŭsia inšy karystalnik.
«Minsk staŭ tańniejšy za Polšču ŭ hetym hodzie pa ježy», — zaŭvažyŭ błohier Dzianis Blišč.
«Paŭsiul dobra, dzie adčuvaješ siabie, jak doma», — padsumavaŭ Kakabaj.
Byli i dopisy inšych tvitaran pra toje, čym Minsk prajhraje zamiežnym haradam.
U adkazach niekatoryja ździvilisia: jak možna razvažać pra dobryja restarany, kali nie možaš być spakojnym za svaju biaśpieku?
«Minsk — vydatny horad, jak i ludzi biełaruskija. Nichto i nikudy b nie źjazdžaŭ pa dobraj voli», — adreahavaŭ adzin z tvitaran.
«Minsk moža padabacca tolki tamu, chto zastaŭsia ŭ 2019 hodzie i nie žyŭ u inšych haradach. Ciapier chvalić Minsk — heta prykładna jak chvalić škonku na druhim paviersie u Akreścina», — aburyŭsia inšy.
«Što moža być bolš panyłym u bytavym płanie, čym pahroza aryštu za kalarovyja škarpetki i katavalnia KDB pasiarod «kvitniejučaha miehapolisa»?» — zadajucca pytańniem ludzi.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha12
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary
A tak da, chorošij horod, vot s jedoj problema....