U tvitary źjaviłasia supołka šytpościeraŭ, jakija trolać rasijskich prapahandystaŭ. Ich hałoŭnaja zbroja — miemy ź siba-inu

Udzielnikaŭ abo karystalnikaŭ, jakija spačuvajuć NAFA, lohka paznać pa avatarkach i miemach z čuvakami (The Fellas) — antrapamorfnymi sabakami siba-inu. Čaściakom piersanažy apranutyja ŭ vajskovuju formu. Siarod tych, chto tak ci inakš padtrymlivaje NAFA — Džek Makiejn, syn sienatara ZŠA Džona Makiejna, vajskovy analityk CNN Mark Chartlinh i hienierał-major armii ZŠA Patryk Donachju.

Čuvakoŭ prydumaŭ mastak Kama (@Kama_Kamilia), jaki na pačatku maja pačaŭ ustaŭlać piersanažaŭ na vypadkovyja vyjavy z Ukrainy. Prykładna ŭ toj ža čas dobraachvotniki z «Hruzinskaha lehijona», jakija vajujuć na baku USU, pačali źbirać achviaravańni na ŭzbrajeńnie dla Ukrainy. Kama vyrašyŭ dapamahčy zboru i staŭ malavać avatarki z čuvakami dla achviaradaŭcaŭ.

NORTH ATLANTIC FELLA ORGANIZATION pic.twitter.com/dyUa8iXXbx

— Kama (@Kama_Kamilia) May 24, 2022

Jak ličycca, adzin ź pieršych kałažaŭ NAFA

With @MissingLink87 ‘s donation, we have now finessed $50852/$19795. And our agent @hro_se is on it https://t.co/acMgafEC9Y pic.twitter.com/NoLFfcnrCm

— Kama (@Kama_Kamilia) July 8, 2022

Avatarka z čuvakom dla adnaho z achviaradaŭcaŭ

Usieahulnuju ŭvahu ruch NAFA pryciahnuŭ da siabie na fonie publičnaj sprečki z pastajannym pradstaŭnikom RF pry mižnarodnych arhanizacyjach u Vienie Michaiłam Uljanavym. 

19 červienia rasijski dypłamat napisaŭ u tvitary: «Samy papularny zachodni naratyŭ: Rasija raspačała niespravakavanaje ŭvarvańnie va Ukrainu. Niespravakavanaje? Ukrainskaje vojska abstrelvaje mirnaje nasielnictva Danbasa z 2014 hoda i dahetul».

U repłajach da tvita Uljanava adzin z udzielnikaŭ NAFA adznačyŭ niasłušnaść arhumienta dypłamata. «Vy [pa sutnaści kažacie]: «My pavinny bambić usio mirnaje ŭkrainskaje nasielnictva, tamu što padčas unutranaj vajny va Ukrainie niekatoryja mirnyja žychary patrapili pad abstreły». Uljanaŭ adkazaŭ: «Vy skazali hetuju łuchtu. Nie ja».

You: "we have to bomb all of Ukraine's civilians because Ukraine was fighting an internal war and some civilians got shelled"

— Ukraine Memes for NATO Teens (@LivFaustDieJung) June 19, 2022

Paśla hetaha dyjałohu ŭ tvitar dypłamata pryjšli i inšyja ŭdzielniki NAFA, kab patrolić jaho, u tym liku štoraz paŭtarajučy frazu pra łuchtu.

Ciapier šytpościery prychodziać u kožny tred rasijskich čynoŭnikaŭ i prapahandystaŭ.

Such nonsense, much bonk! ☺️ pic.twitter.com/7j1YvoLKW4

— Maya P (@mayameeroo) July 13, 2022

Adkaz na tred hałoŭnaha redaktara RT Marharyty Simańjan pra vojska DNR: «Takaja łuchta, bam!»

Słovy Uljanava pra łuchtu stali miemam. Dabračynnaja arhanizacyja St. Javelin, jakaja źbiraje hrošy na padtrymku i adnaŭleńnie Ukrainy, pačała pradavać ź im futbołki, a taksama inšy mierč z NAFA.

Alright #Fellas, you wanted this nonsense, not me. Now you can get yourself a #WeAreNAFO flag on our website! #NAFO
https://t.co/dXiqEKfWhM pic.twitter.com/6RZVv5fras

— Saint Javelin (@saintjavelin) July 6, 2022

Mierč z NAFA ad St. Javelin

Usiaho da momantu hutarki mastaka Kama z žurnalistami Motherboard supołka zmahła sabrać kala 47 tysiač dołaraŭ dla «Hruzinskaha lehijona» i 30-50 tysiač dołaraŭ na dapamohu Ukrainie praz prodažy na sajcie St. Javelin.

• 59
• 0
• 2
• 1
• 2
• 0
• 2
• 0