Žycharcy Mahilova dali try hady kałonii za abrazu čynoŭnikaŭ, siłavikoŭ i Łukašenki
U sudzie Leninskaha rajona Mahilova zaviaršyŭsia razhlad kryminalnaj spravy Hanny Kandracienka. Žančynu abvinavacili adrazu pa troch artykułach Kryminalnaha kodeksa: abraza pradstaŭnika ŭłady, abraza Łukašenki i abraza sudździ albo narodnaha zasiadaciela, piša «Viasna».
Pa materyjałach abvinavačańnia, 37-hadovaja žycharka Mahilova na praciahu 2021 hoda ŭ niekalkich «destruktyŭnych telehram-kanałach» raźmiaščała abraźlivyja kamientary ŭ adras Łukašenki, staršyni Hrodzienskaha abłasnoha vykanaŭčaha kamiteta, sudździ, a taksama supracoŭnikaŭ pravaachoŭnych orhanaŭ.
U vyniku sudździa Natalla Panasienka pryznačyła Hańnie Kandracienka try hady kałonii ahulnaha režymu, a taksama štraf u pamiery 100 bazavych vieličyń (3200 rubloŭ).
Kamientary